అంతర్జాతీయం
రోహింగ్యాల సమస్యకు చర్చలతోనే పరిష్కారం: చైనా
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఆగస్టు 28: దీర్ఘకాలంగా అపరిష్కృతంగా నలుగుతున్న బంగ్లాదేశ్ రోహింగ్యాల సమస్యకు రాజకీయ వేదికపై చర్చలే సరైన పరిష్కారమని చైనా అభిప్రాయపడుతోంది. అయితే, ఈ సమస్యపై ఏకపక్ష ఆరోపణలు చేయడం, ఒత్తిడి తీసుకురావడం వంటి అంశాలు ఏమాత్రం పనిచేయవని చైనా పేర్కొంది.
రోహింగ్యా ముస్లింల మారణహోమానికి బాధ్యులైన మిలటరీ అధికారులు, ఆర్మీ అధికారులపై దర్యాప్తునకు ఐక్యరాజ్య సమితి డిమాండ్ చేసిన వెంటనే చైనా విదేశీ మంత్రిత్వ శాఖ తీవ్రంగా స్పందించింది. రోహింగ్యాల సమస్యకు చర్చల ద్వారా పరిష్కారం లభిస్తుందని చైనా అభిప్రాయపడింది. బౌద్ధమతానికి కేంద్రంగా విరాజిల్లుతున్న మయన్మార్ దేశంలో గత ఏడాది 700,000 రోహింగ్యా ముస్లిం ఆందోళనకారులను అణచివేయడానికి ఆర్మీ దాడులకు దిగింది. ఈ మారణహోమానికి సాక్ష్యంగా వేలాదిమంది క్షతగాత్రులు అయ్యారు. ఎందరో మహిళలను సైనికులు విచక్షణారహితంగా బలాత్కరించడంతోపాటు హతమార్చారు. ఎంతోకాలం నుంచి అపరిష్కృతంగా ఉన్న రోహింగ్యా ముస్లింల సమస్యకు కేవలం రాజకీయ పరిష్కారం కనుగొనాల్సిన అవసరం ఎంతైనా ఉందని చైనా విదేశీ మంత్రిత్వ శాఖ అధికార ప్రతినిధి హుయా చున్‌యింగ్ తెలిపారు. బంగ్లాదేశ్, మయన్మార్‌లలో శాంతిసౌభ్రాతృత్వాలు వెల్లివిరియడానికి మరిన్ని చర్చలు జరగాలని ఆయన అభిప్రాయపడ్డారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.