అంతర్జాతీయం
ఇన్‌ఫెక్షన్ అంతు చూసేందుకు సరికొత్త వైద్య విధానం!
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, అక్టోబర్ 10: మానవ శరీరంలోకి వ్యాపించి, పలురకాలపైన ఇన్‌ఫెక్షన్లను కలిగించే బాక్టీరియా, వైరస్‌ను సమర్థంగా నిరోధించడానికి సరికొత్త వైద్య విధానం త్వరలోనే అందుబాటులోకి వచ్చే అవకాశాలున్నాయి. అమెరికాలోని రట్‌గర్స్ విశ్వవిద్యాలయ శాస్తవ్రేత్తలు జరిపిన పరిశోధనా ఫలితాలు ఈ విషయాన్ని ధ్రువీకరిస్తున్నాయి. ఇప్పటి వరకూ బాక్టీరియాను నిరోధించడానికి యాంటీబయాటిక్స్‌ను టాబ్లెట్లు, ఇన్‌జెక్షన్లు రూపంలో వాడుతున్నారు. ఇవి అతి వేగంగా శరీరం మొత్తానికి వ్యాపిస్తాయి. ఫలితంగా, బాక్టీరియా ఎక్కువ ఉన్న శరీర భాగాలేగాక, అసలు ఇన్‌ఫెక్షనే లేని భాగాలకూ ఔషధం వెళుతుంది. దీనితో, బాక్టీరియా బలపడి, యాంటీబయాటిక్స్ మోతాదును పెంచాల్సిన పరిస్థితిని కల్పిస్తుంది. అయితే, అమెరికా శాస్తవ్రేత్తలు ప్రతిపాదించిన విధానం ప్రకారం, ఔషధాన్ని తీసుకెళ్లే వాహకం దానిని ఒకేసారి కాకుండా, విడతల వారీగా విడుదల చేస్తుంది. అంతేగాక, బాక్టీరియా ఎక్కువగా ఉన్న శరీర భాగంలో ఎక్కువ మోతాదు మందును పంపుతుంది. అవసరం లేని భాగాలకు ఔషధం వెళ్లకుండా చాలా వరకు నిరోధిస్తుంది. ఈ ప్రక్రియ సహజంగానే అత్యంత శక్తివంతంగా పనిచేసి, శరీరంలో రోగ నిరోధక శక్తిని పెంపొందింప చేస్తుంది. అయితే, ఈ విధానాన్ని ప్రయోగాత్మకంగా పరీక్షించాల్సిన అవసరం ఉంది. సమర్థంగా పని చేస్తుందని అమెరికా ఔషధ శాఖ ఆమోద ముద్ర వేస్తే తప్ప ఈ విధానాన్ని ప్రయోగించే అవకాశం ఉండదు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.