అంతర్జాతీయం
ఉగ్రవాదంపై ఉమ్మడి వ్యూహం
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, మే 22: ఉగ్రవాదం, డ్రగ్ ట్రాఫికింగ్, బహుళజాతి నేర సవాళ్లను సంయుక్తంగా ఎదుర్కోవడానికి ఎలాంటి మార్గాలు అనుసరించాలి, పరస్పర సహకారాన్ని ఎలా బలోపేతం చేసుకోవాలన్న దిశగా షాంఘై సహకార మండలి (ఎస్సీవో) సభ్యదేశాలు విస్తృత చర్చలు జరిపాయి. జాతీయ భద్రతా ఉప సలహాదారు రాజీందర్ ఖన్నా, పాకిస్తాన్ జాతీయ భద్రతా సలహాదారు నసీర్ ఖాన్ జాన్‌జువా సహా ఎస్సీవో సభ్య దేశాల టాప్ సెక్యూరిటీ అధికారులు రెండు రోజులపాటు నిర్వహించిన సమావేశం నేటితో ముగిసింది. జూన్ 9, 10 తేదీల్లో చైనాలోని క్వింగ్డో సిటీలో ఎస్సీవో శిఖరాగ్ర సమావేశం జరగనున్న నేపథ్యంలో, సభ్య దేశాల భద్రతా సలహాదారుల రెండురోజుల సమావేశం ప్రాధాన్యత సంతరించుకుంది. ఎస్సీవో శిఖరాగ్ర సదస్సుకు భారత్ నుంచి ప్రధాని నరేంద్రమోదీ సైతం హాజరవుతున్నారు. షాంఘై సహకార మండలిలో భారత్, పాక్‌లకు సభ్యత్వం లభించిన తరువాత జరుగుతున్న తొలి శిఖరాగ్ర సదస్సు ఇదే. ఖజకిస్తాన్, కిర్గిస్థాన్, రష్యా, తజకిస్తాన్, ఉజ్బెకిస్తాన్, భారత్, పాక్‌లతో కూడిన మండలిలో చైనా ప్రభావవంతమైన పాత్ర పోషిస్తుండటం తెలిసిందే. చైనా అధ్యక్షుడు జీ జిన్‌పింగ్, వివిధ దేశాల భద్రతా మండలి కార్యదర్శులు హాజరైన సమావేశానికి జాతీయ భద్రతా మండలి కార్యదర్శిగానూ వ్యవహరిస్తున్న రాజీందర్ హాజరై భారత్ వ్యూహాత్మక ఆలోచనలను బలంగా వినిపించారు. సమావేశంలో ఉగ్రవాదం, డ్రగ్ ట్రాఫికింగ్, బహుళజాతి నేర ప్రమాదాలపై సంఘటిత పోరాటానికి ఎలా అడుగులు వేయాలన్న వ్యూహాలపై లోతుగా చర్చించినట్టు భారత విదేశాంగ విడుదల చేసిన ఒక ప్రకటనలో పేర్కొంది. అలాగే ఆఫ్గాన్‌లో చోటుచేసుకున్న పరిణామాలపైనే కాకుండా, ప్రాదేశిక, అంతర్జాతీయ ప్రాధాన్యతా అంశాలపైనా ప్రతినిధులంతా చర్చలు జరిపినట్టు ప్రకటనలో పేర్కొంది. అలాగే క్వింగ్డోలో నిర్వహించనున్న శిఖరాగ్ర సదస్సు ఏర్పాట్లు, చేపట్టాల్సిన భద్రతా చర్యలపైనా సమీక్ష నిర్వహింరని ఆ ప్రకటనలో పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.