అంతర్జాతీయం
చైనా అణచివేతకు నిరసనగా ఒకరి ఆత్మహత్య
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, నవంబర్ 9: చైనా ప్రభుత్వానికి వ్యతిరేకంగా టిబెట్‌లో బౌద్ధమతస్తుడొకరు ఆత్మాహుతికి పాల్పడ్డాడు. టిబెట్ విముక్తి ప్రచారకర్త డోర్బే(23) శనివారం శరీరానికి నిప్పంటించుకుని ఆత్మహత్య చేసుకున్నాడు. టిబెట్‌కి చెందిన సిఛౌన్‌లోని నగాబాలో ఆదివారం ఈ విషాదం చోటుచేసుకుంది. దలైలామా వర్ధిల్లాలంటూ డోర్బే నిప్పంటించుకున్నాడని మీడియావర్గాల కథనం. 2009 నుంచి బౌద్ధులు ఆత్మాహుతికి పాల్పడుతూ చైనా ప్రభుత్వానికి తమ నిరసన తెలుపుతునే ఉన్నారు. ఒక్క డోర్బేనే కాదు అనేక మంది ఉద్యమానికి బలైపోతున్నారు. టిబెట్ తమ దేశంలో అంతర్భాగమని చైనా శతాబ్దాలుగా వాదిస్తూ వస్తోంది. టిబెటిన్లు మాత్రం తమకు విముక్తి కల్పించాలని అంతర్జాతీయ వేదికలపైనే గళం విప్పుతునే ఉన్నారు. చైనా ప్రభుత్వ అణచివేతకు నిరసనగా బౌద్ధుల మత గురువుదలైలామా 1959లో దేశం విడిచి వెళ్లిపోయారు. తమ సంస్కృతి, సంప్రదాయాలను చైనా కమ్యూనిస్టు పార్టీ అణచివేస్తోందంటూ బౌద్ధ సన్యాసులు, సన్యాసినులు, ప్రజలు ఆత్మాహుతికి పాల్పడుతునే ఉన్నారు. అలాగే దలైలామా తిరిగిరావాలని కోరుకుంటునే ఉన్నారు. చైనాకు వ్యతిరేకంగా ఆత్మాహుతులు పెరిగిపోతున్నప్పటికీ ప్రభుత్వ వర్గాలు మాత్రం కొట్టిపారేస్తున్నాయి. అలాంటి సంఘటనలేవీ తమ దృష్టికి రాలేదని చెబుతున్నాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.