అంతర్జాతీయం
యూపీలో రోడ్డు ప్రమాదం
S ,7 à 8 RSCA (si SASPAS) et 6 cialis pharmacie cialis rapports de stage.
మెయిన్‌పురి (యూపీ), జూన్ 13: ఉత్తరప్రదేశ్‌లో బుధవారం తెల్లవారుజామున సంభవించిన ఘోర రోడ్డు ప్రమాదంలో 17 మంది దుర్మరణం చెందగా, 25 మంది తీవ్రంగా గాయపడ్డారు. రాజస్థాన్‌లోని జైపూర్ నుంచి యూపీలోని ఫరూఖాబాద్‌కు దాదాపు 70 మందితో కిక్కిరిసి వస్తున్న బస్సు ఉదయం 5.30 గంటల సమయంలో తీరత్‌పూర్ గ్రామం వద్ద అదుపు తప్పి రోడ్డు డివైడర్‌ను ఢీకొని పల్టీలు కొట్టిందని మెయిన్‌పురి ఎస్పీ అజయ్ శంకర్ రాయ్ విలేఖరులకు తెలిపారు. ఒక మహిళతోపాటు 16 మంది అక్కడికక్కడే మృతిచెందగా మరొకరు సైఫాయ్ ఆసుపత్రిలో చికిత్స పొందుతూ ప్రాణాలు కోల్పోయినట్లు ఎస్పీ తెలిపారు. ప్రయాణికుల్లో ఎక్కువ మంది ఉత్తరప్రదేశ్‌కు చెందినవారేనని, కూలి పనుల నిమిత్తం జైపూర్ వెళ్లి తిరిగి సొంత గ్రామాలకు వస్తున్నారని ఆయన తెలిపారు. మృతదేహాలను గుర్తించే ప్రయత్నాలు జరుగుతున్నాయని ఆయన వెల్లడించారు. బస్సు లోపల కిక్కిరిసి పోవడంతో బస్సుపైన ఎక్కి పడుకున్నవారే ఎక్కువ మంది మృతిచెందారని అడిషనల్ ఎస్పీ ఓమ్ ప్రకాశ్ సింగ్ తెలిపారు. ప్రమాద విషయం తెలిసిన వెంటనే ఉన్నతాధికారులు, పోలీసులు సంఘటన జరిగిన ప్రాంతానికి చేరుకుని సహాయక చర్యలు చేపట్టారు. ప్రమాదం పట్ల ముఖ్యమంత్రి యోగి ఆదిత్యనాథ్ తీవ్ర దిగ్భ్రాంతిని వ్యక్తం చేశారు. ప్రమాదంలో మృతిచెందినవారికి రూ.2లక్షలు, గాయపడిన వారికి రూ.50వేల చొప్పున ఎక్స్‌గ్రేషియా అందిస్తామన్నారు. ప్రమాదంలో మృతిచెందిన వారి కుటుంబాలకు ప్రధాని నరేంద్ర మోదీ తీవ్ర సంతాపం తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.