అంతర్జాతీయం
రష్యా మాజీ గూఢచారి స్క్రిపాల్‌పై విష ప్రయోగం
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూలై 4: రష్యాలో పనిచేసిన మాజీ గూఢాచారి, అతని కుమార్తెపై విషప్రయోగం జరిగినట్లుగా భావిస్తున్న సంఘటన ఇంగ్లాండ్‌లో సంచలనం సృష్టిస్తోంది. లండన్‌కు సమీపంలోని శాలిస్‌బ్యూరీ పట్టణానికి 16 కి.మీ దూరంలో ఉన్న ఏమ్స్‌బ్యూరీలో ఈ ఘటన చోటు చేసుకుంది. రష్యాలో గూఢాచారిగా పనిచేసిన సెర్గి స్క్రిపాల్, ఆయన కుమార్తె యూలియాలు ఇంట్లో స్పృహ తప్పి పడిపోయి ఉన్న సమాచారం పోలీసులకు తెలిసింది. దీంతోపోలీసులు రంగంలో దిగి వారిని ఆసుపత్రికి తరలించారు.
తొలుత హెరాయిన్ లేదా ఇతర మాదకద్రవ్యాలు సేవించడం వల్ల స్పృహ తప్పినట్లు పోలీసులు భావించారు. కాని మిలిటరీలో ఉపయోగించే నోవిచోక్ అనే పదార్ధాన్ని వీరిపై ప్రయోగించనట్లుగా పోలీసులు అనుమానిస్తున్నారు. ఈ ఘటన జరిగిన వెంటనే విల్ట్‌షీర్ పోలీసులు మాజీ గూఢాచారి స్క్రిపాల్ ఇంటిని చుట్టుముట్టి తమ ఆధీనంలోకి తెచ్చుకున్నారు. వీరిని శాలిస్‌బ్యూరీ ఆసుపత్రిలో చేర్పించి చికిత్స అందిస్తున్నారు. అంతకుముందు రోజు తండ్రీ కూతుళ్లు సమీపంలో ఉన్న బాప్టిస్ట్ చర్చిలో జరిగిన కుటుంబ వినోద కార్యక్రమానికి హాజరైనట్లు పోలీసులు చెప్పారు. కాగా ఈ ఘటనతో తమకు ఎటువంటి సంబంధంలేదని రష్యా పేర్కొంది. ఇంగ్లాండ్ మాత్రం రష్యా మిలిటరీలో ఉపయోగించే ఒక మత్తు పదార్ధాన్ని వీరిపై ప్రయోగించనట్లు అనుమానం ఉందని పేర్కొంది. ఈ ఘటనపై బ్రిటన్, రష్యా దేశాలు దౌత్యపరంగా పరస్పరం విమర్శలు చేసుకుంటున్నాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.