బిజినెస్
వచ్చే పదేళ్లలో 11,210 మెగావాట్ల అదనపు విద్యుదుత్పత్తి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 26: వచ్చే పదేళ్లలో రాష్ట్రంలో విద్యుత్ డిమాండ్‌ను దృష్టిలో పెట్టుకుని రూ. 64,182కోట్లతో 11,210 మెగావాట్ల అదనపు విద్యుత్‌ను ఉత్పత్తి చేయాలని లక్ష్యంగా పెట్టుకున్నామని ఆంధ్రప్రదేశ్ ట్రాన్స్‌కో సిఎండి కె విజయానంద్ తెలిపారు. రాష్ట్రంలో మిగులు విద్యుత్, అందరికీ విద్యుత్ లక్ష్యంగా ప్రణాళికను రూపొందించి అమలు చేస్తున్నామన్నారు. మంగళవారం ఇక్కడ విద్యుత్ సౌధలో 67వ గణతంత్ర దినోత్సవ వేడుకల సందర్భంగా జాతీయ జెండాను ఎగురవేశారు. అనంతరం ఆయన మాట్లాడుతూ వినియోగదారుల సమస్యలను పరిష్కరించేందుకు అధిక ప్రాధాన్యత ఇస్తామన్నారు. సమాచార టెక్నాలజీతో విద్యుదుత్పత్తి, సరఫరా, పంపిణీని పర్యవేక్షిస్తున్నామన్నారు. ఏపి జెన్కోలోని అన్ని విద్యుత్ ప్లాంట్లు 85 నుంచి 90 శాతం వరకు ప్లాంట్ లోడ్ ఫ్యాక్టర్‌ను సాధిస్తున్నాయని తెలిపారు. విద్యుత్ రంగంలో పంపిణీ నష్టాలు 13.24 శాతం నుంచి 10.30 శాతానికి తగ్గాయని, ఈ ఏడాది 9 శాతం వరకు తగ్గించాలని లక్ష్యంగా పెట్టుకున్నట్లు చెప్పారు. ఇది సాధ్యమైతే సాలీనా 375 కోట్ల రూపాయల మేర విద్యుత్ ఆదా అవుతుందని పేర్కొన్నారు. కాగా, ప్రస్తుతం 150 మెగావాట్ల సౌర విద్యుదుత్పత్తి అవుతోందని, త్వరలో 3,500 మెగావాట్ల కెపాసిటీ ఉన్న మూడు సౌర పార్కులను విద్యుదుత్పత్తి చేసేందుకు సిద్ధం చేస్తున్నట్లు చెప్పారు. వచ్చే నాలుగేళ్లలో ఐదు వేల మెగావాట్ల విద్యుదుత్పత్తి చేస్తామని, 12వ పంచవర్ష ప్రణాళికలో 5,258 మెగావాట్ల పవన విద్యుత్ ఉత్పత్తి అవుతుందని తెలిపారు. గ్రీన్ ఎనర్జీ కారిడార్ కింద 3,150 మెగావాట్ల పవన విద్యుత్‌ను పంపిణీ వ్యవస్థకు చేరవేసేలా 400 కెవి సబ్‌స్టేషన్లు మూడు, 220 కెవి సబ్‌స్టేషన్లు 8 నిర్మిస్తామన్నారు. ఇందులో భాగంగా మొదటి దశలో రెండు వేల మెగావాట్ల విద్యుత్ పంపిణీకి రూ. 2,085.41 కోట్ల నిధులను ఆర్‌ఇసి మంజూరు చేసిందన్నారు.
విద్యుత్ సౌధలో మాట్లాడుతున్న విజయానంద్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.