రాష్ట్రీయం
మోదీ పాలన చూసే చేరికలు: కన్నా
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: ప్రధాని నరేంద్ర మోదీ పారదర్శక పాలన, అభివృద్ధిని చూసి ఎంతో మంది ఆకర్షితులై బీజేపీలో చేరేందుకు ముందుకు వస్తున్నారని బీజేపీ రాష్ట్ర అధ్యక్షుడు కన్నా లక్ష్మీనారాయణ అన్నారు. బీజేపీ రాష్ట్ర శాఖ ఆధ్వర్యంలో మైనార్టీ నాయకులు షేక్ ఖాజా ఆలీ నేతృత్వంలో 300 మంది కార్యకర్తలు బీజేపీలో చేరారు. నగరంలోని ఒక హోటల్‌లో జరిగిన చేరికల సందర్భంగా నిర్వహించిన విలేఖర్ల సమావేశంలో కన్నా మాట్లాడుతూ ప్రధాని మోదీ ఐదేళ్ల పాలన పట్ల దేశ ప్రజలంతా సంతృప్తి చెందారన్నారు. ముఖ్యంగా 2019 ఎన్నికల తర్వాత ఢిల్లీ నుంచి గల్లీ వరకు బీజేపీలోకి చేరికలు పెరిగాయని అన్నారు. పార్టీలోకి వస్తున్న షేక్ ఖాజా ఆలీకి పార్టీ కండువా కప్పి హృదయపూర్వకంగా పార్టీలోకి ఆహ్వానించారు. అలాగే పోలవరం ముంపు మండలానికి చెందిన వైసీపీ, జనసేన పార్టీల నాయకులు దొంతు యోగేశ్వరరావు, పాటిమి కృష్ణ ఆధ్వర్యంలో కార్యకర్తలు బీజేపీలో చేరారు. మాజీ మంత్రి రావెల కిషోర్‌బాబు, మైనార్టీ మోర్చా జాతీయ కార్యదర్శి షేక్ బాజి, బీజేపీ రాష్ట్ర ఉపాధ్యక్షులు తురగా నాగభూషణం, ప్రధాన కార్యదర్శి ఎస్ సురేష్‌రెడ్డి తదితరులు పాల్గొన్నారు.
ఎంపీఈఓల నిరసనకు సంఘీభావం
తొలగించిన ఎంపీఈఓలను తిరిగి విధుల్లోకి తీసుకోవాలని కన్నా లక్ష్మీనారాయణ డిమాండ్ చేశారు. ఏపీ వ్యవసాయ, ఉద్యానశాఖ ఎంపీఈఓ అసోసియేషన్ ధర్నా చౌక్ వద్ద రెండు వారాలుగా నిరసన ప్రదర్శన నిర్వహిస్తోంది. ఈ నిరసన ప్రదర్శనను కన్నా లక్ష్మీనారాయణ సోమవారం ఉదయం సందర్శించి వారికి సంఘీభావం తెలిపారు. ఈ సందర్భంగా ఆయన మాట్లాడుతూ ఇలా తొలగించడం వల్ల 4700 కుటుంబాలు వీధిన పడ్డాయని, పని చేస్తున్నవారిని తొలగించడం అన్యాయమని, వెంటనే తొలగించిన వారిని తిరిగి ఉద్యోగాల్లోకి తీసుకోవాలని కన్నా డిమాండ్ చేశారు.
3 లక్షల మంది రైతుల చేరికే లక్ష్యం
కిసాన్ మోర్చా ఆధ్వర్యంలో 3 లక్షల మందిని బీజేపీలోకి సభ్యులుగా చేర్చాలని రాష్ట్ర అధ్యక్షుడు కన్నా లక్ష్మీనారాయణ సూచించారు. బీజేపీ విజయవాడ నగర శాఖ ఆధ్వర్యంలో కిసాన్ మోర్చా రాష్ట్ర పదాధికారుల సమావేశం సోమవారం జరిగింది. సమావేశానికి ముఖ్యఅతిథిగా విచ్చేసిన కన్నా మాట్లాడుతూ రైతులకు మునుపెన్నడూ ఇవ్వని రీతిలో బీజేపీ ప్రభుత్వం ప్రాధాన్యత ఇచ్చిందన్నారు. 2022 నాటికి రైతుల ఆదాయం రెట్టింపే లక్ష్యంగా, భూసార పరీక్షా కార్డులు, వ్యవసాయ ఉత్పత్తులకు మద్ధతు ధరలు పెంపు, ఫసల్ బీమా పథకం అమలు, కిసాన్ సమ్మాన్ నిధి యోజన పథకం అమలు చేయడం ద్వారా దేశంలోని 14.50 కోట్ల రైతులందరికీ ఏడాదికి రూ. 6 వేల ఆర్థిక సాయం అందిస్తున్నారన్నారు. సభాధ్యక్షులుగా కిసాన్ మోర్చా రాష్ట్ర అధ్యక్షులు ఏటుకూరి సూర్యనారాయణరాజు వ్యవహరించారు. బీజేపీ రాష్ట్ర సహ ఇన్‌చార్జి సునిల్ డియోధర్, కిసాన్ మోర్చా రాష్ట్ర ప్రధాన కార్యదర్శి తుమ్మల అంజిబాబు, మారుతిరెడ్డి, భక్తసాయిరాం, ఉపాధ్యక్షులు వాసుదేవరావు తదితరులు పాల్గొన్నారు.
చిత్రం... విలేఖర్ల సమావేశంలో మాట్లాడుతున్న కన్నా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.