రాష్ట్రీయం
21న ఢిల్లీలో చంద్రుల భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 14: కావేరి నదీ జలాల పంపిణీ నేపథ్యంలో తమిళనాడు, కర్నాటక రాష్ట్రాల మధ్య నెలకొన్న వివాదాన్ని చూసిన తర్వాత ఆంధ్ర, తెలంగాణ రాష్ట్రాల మధ్య కృష్ణా జలాల అంశాన్ని త్వరితగతిన పరిష్కరించాలని కేంద్రం నిర్ణయించింది. ఈ నేపథ్యంలో కేంద్రం ఆంధ్ర, తెలంగాణ సిఎంలను అత్యున్నత మండలి సమావేశానికి రావాలని ఆహ్వానించింది. ఈ నెల 21న ఢిల్లీలో కేంద్ర జలవనరుల శాఖ సమక్షంలో తెలుగు రాష్ట్రాల సిఎంలు కెసిఆర్, చంద్రబాబు సమావేశం కానున్నారు. 21న సమావేశానికి రెండు రాష్ట్రాల సిఎంలు తమ సమ్మతిని తెలియచేశారు. ఈ సమావేశంలో కృష్ణా జలాల పంపిణీ ఫార్ములా చర్చకు రానుంది. సుప్రీం కోర్టు ఆదేశంపై ఈ సమావేశం జరగనుంది. ఆంధ్ర ప్రభుత్వం పట్టిసీమ ఎత్తిపోతల స్కీంను నిర్మించి గోదావరి జలాలను కృష్ణా నదిలోకి మళ్లించినందు వల్ల తమ వాటా 40 టిఎంసిని కృష్ణా జలాల్లో వాడుకుంటామని ఇప్పటికే కరాఖండిగా చెప్పింది. పోతిరెడ్డి పాడు ద్వారా నిర్దేశించిన దాని కంటే ఎక్కువ జలాలను రాయలసీమకు మళ్లించారని తెలంగాణ అభియోగం. కాగా తెలంగాణ ప్రభుత్వం డిపిఆర్‌లు లేకుండా పాలమూరు-రంగారెడ్డి ఎత్తిపోతల స్కీం, డిండి ఎత్తిపోతల స్కీంను నిర్మిస్తోందని, వీటిని అడ్డుకోవాలని ఆంధ్ర ప్రభుత్వం కేంద్రానికి, సుప్రీం కోర్టుకు ఫిర్యాదు చేసింది. ఈ నేపథ్యంలో ఈ నెల 21వ తేదీన రెండు రాష్ట్రాల సిఎంలకు మధ్య జరిగే సమావేశానికి ప్రాధాన్యత ఏర్పడింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.