రాష్ట్రీయం
సీమలోనే రాజధాని
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 23: ఆంధ్రప్రదేశ్ ప్రభుత్వం పరిపాలనా వికేంద్రీకరణలో భాగంగా రాజధానిని రాయలసీలోనే ఏర్పాటు చేయాలని మాజీ హోంమంత్రి ఎంవీ మైసూరారెడ్డి డిమాండ్ చేశారు. మూడు రాజధానుల ప్రతిపాదనను విరమించుకోవాలని సీఎం జగన్మోహన్ రెడ్డికి మైసూరా సూచించారు. ప్రభుత్వం ప్రవేశ పెట్టిన బిల్లును శాసన మండలి సెలెక్ట్ కమిటీకి పంపించాలని నిర్ణయించడాన్ని ఆయన ఈ సందర్భంగా గుర్తుచేశారు. మూడు రాజధానులపై ప్రవేశ పెట్టిన పరిపాలనా వికేంద్రీకరణ బిల్లు తమకు ఎంతమాత్రం సమ్మతం కాదని ఆయన స్పష్టం చేశారు. భవిష్యత్తులో ప్రభుత్వం తన నిర్ణయాన్ని పునరాలోచించుకునే అవకాశాలున్నాయని వ్యాఖ్యానించారు. వైఎస్‌ఆర్‌సీపీ సర్కారు తన నిర్ణయాన్ని మార్చుకుని, గ్రేటర్ రాయలసీమలో రాజధానిని ఏర్పాటు చేయాలని హితవు పలికారు. లేని పక్షంలో గతంలో డిమాండ్ చెసిన విధంగానే గ్రేటర్ రాయలసీమ వైపు మేము అడుగులు వేయాల్సి వస్తుందని మైసూరా హెచ్చరించారు. రాష్ట్ర సమగ్రతకు భగ్నం వాటిల్లితే, అందుకు ముఖ్యమంత్రి జగన్, ప్రతిపక్ష నాయకుడు చంద్రబాబు కారణమవుతారని అన్నారు. వీరిద్దరూ రాయలసీమ వాసులేనని ఆయన పేర్కొన్నారు. సీఎం, ప్రతిపక్ష నేత పునరాలోచన చేసుకుని రాయలసీమ ప్రాంత హక్కు అయిన రాజధానిని గ్రేటర్ రాయలసీమలో నెలకొల్పాలని ఆయన అభిప్రాయపడ్డారు. శ్రీబాగ్ ఒప్పందానికి గౌరవం కల్పిస్తారని ఆశిస్తున్నామని ఇరువురు నేతలకు తెలిపారు.
'చిత్రం... మాజీ హోంమంత్రి ఎంవీ మైసూరా రెడ్డి డిమాండ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.