రాష్ట్రీయం
తెలుగు భాషా ఉద్యమానికి గొంతునవుతా..!
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, మార్చి 15: తెలుగు భాషా పరిరక్షణకు మేధావులు, భాషాభిమానులు జరిపే ఉద్యమానికి తను గొంతునవుతానని జనసేన పార్టీ అధ్యక్షుడు పవన్ కళ్యాణ్ ప్రకటించారు. తెలుగు భాషా పరిరక్షణ ఉద్యమానికి వేదికనవుతానన్నారు. జనసేన పార్టీ ఆవిర్భావ దినోత్సవాన్ని పురష్కరించుకుని ప్రారంభించిన ‘మన నుడి-మన నది’ కార్యక్రమంలో భాగంగా తూర్పు గోదావరి జిల్లా రాజమహేంద్రవరంలో ఆదివారం తెలుగు వైభవం పేరిట నిర్వహించిన తెలుగు భాషాభిమానుల ఆత్మీయ సమావేశంలో పవన్ కళ్యాణ్ ప్రసంగించారు. తెలుగు భాషా పరిరక్షణ ఉద్యమానికి చారిత్రక రాజమహేంద్రవరం నుంచి శ్రీకారం చుట్టామన్నారు. మేధావులు, పండితులు, కవులు, తెలుగు భాషాభిమానులు ఇచ్చిన సూచనలు, సలహాలతో చైతన్యవంతమైన ఉద్యమాన్ని నిర్వహిస్తామన్నారు. తెలుగు భాషా మాధుర్యాన్ని ఆస్వాదించే పరిస్థితిని కోల్పోతున్నామని ఆవేదన వ్యక్తంచేశారు. భాషను మర్చిపోతే, సంస్కృతిని మర్చిపోయిననట్టేనన్నారు. తెలుగును కాపాడుకోవాలని పిలుపునిచ్చారు. ‘మన నుడి-మన నది’ కార్యక్రమం కొంతమంది మేధావుల మేధోమథనం నుంచి ఉద్భవించిందన్నారు. రాజమహేంద్రవరంలోని నిర్వహించిన ఈ సదస్సులో చాలా విలువైన సూచనలు వచ్చాయని, వాటిని అమలుచేస్తూ ఉద్యమిస్తామన్నారు. పలుకుబడి అనే వినూత్న కార్యక్రమం ద్వారా భాషా సౌందర్యాన్ని కాపాడటానికి ఒక ప్రత్యేక కార్యశాల నిర్వహించాలని తెలుగు పండిట్ కామేశ్వరి నుంచి వచ్చిన సూచన బాగుందన్నారు. ప్రతీ జిల్లాకు జనసేన పార్టీ తరపున తెలుగు భాషా పరిరక్షణ కమిటీలు ఏర్పాటుచేస్తామన్నారు. ఈ కమిటీల్లో భాషా పండితుల నుంచి ఐదుగురు, పార్టీ పరంగా ముగ్గురు చొప్పున ఉంటారన్నారు. ఉభయ తెలుగు రాష్ట్రాల్లోని 39 నదీ పరీవాహక ప్రాంతాల్లో ఈ కార్యక్రమాలను నిర్వహిస్తామన్నారు.
*చిత్రం... సదస్సులో మాట్లాడుతున్న పవన్ కళ్యాణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.