రాష్ట్రీయం
తుపాన్లలో ఆశా‘దీపం’!
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, డిసెంబర్ 18: తుపాన్లు, వరదల వంటి ప్రకృతి వైపరీత్యాలు సంభవించినపుడు విద్యుత్ సరఫరా నిలిచిపోయి, రోజుల తరబడి అంధకారంలో గడిపే బాధితులను దృష్టిలో ఉంచుకుని ఓ సాంకేతిక నిపుణుడు ఎల్‌ఇడి క్యాండిల్ రూపొందించాడు. తూర్పు గోదావరి జిల్లా కాకినాడ నగరానికి చెందిన సూక్ష్మకళాకారుడు ఆరిపాక రమేష్‌బాబు తనకున్న సాంకేతిక అనుభవంతో ఈ పరికరాన్ని సృష్టించారు. ఆపద సమయాలలో బాధిత ప్రజలకు చేదోడుగా ఉండే ఈ ఎల్‌ఇడి క్యాండిల్స్ అందుబాటులోకి తెస్తే ఎంతో ఉపయోగపడతాయని, తక్కువ ఖర్చుతో ఎక్కువ రోజులు ఈ లైటు సహాయాన్ని పొందవచ్చని ఆయన తెలిపారు. ఇటీవల వార్దా తుపాను చెన్నై మహానగరాన్ని కుదిపేసిందని, అలాగే ఏటా సంభవిస్తున్న తుపాన్ల బారిన పడి చీకటిలో మగ్గుతున్న బాధితులకు ఎల్‌ఇడి క్యాండిల్స్ ఎంతో చేయూతనిస్తాయని పేర్కొన్నారు. ఎల్‌ఇడి క్యాండిల్ రెండు సెల్స్‌తో పనిచేస్తుందన్నారు. రెండు సెల్స్‌తో 8 రాత్రులు క్యాండిల్ పనిచేస్తుందని చెప్పారు. దీనిని ఎవరికి వారుగా తయారుచేసుకుని వినియోగించుకునే వీలుందన్నారు. ఇందుకు 3 వోల్ట్స్ ఎల్‌ఇడి బల్బు, 2సెల్ కంపార్ట్‌మెంట్, 2 పెన్‌సెల్స్ ఉంటే సరిపోతుందని చెప్పారు. అలాగే సోలార్ పేనల్స్ ఉపయోగించి 100 ఎహెచ్, 150 ఎహెచ్ బ్యాటరీలకు అనుసంధానించడం ద్వారా మినీ ఎల్‌ఇడి ప్లాంట్స్‌ను కూడా రూపొందించుకోవచ్చని ఆయన తెలియజేశారు. సోలార్ ప్యానెల్స్ ఉపయోగించి 100 ఎహెచ్, 150 ఎహెచ్ బ్యాటరీలను ఛార్జింగ్‌చేసి, ప్రతి కుటుంబానికి వైరు ద్వారా ఎల్‌ఇడి బల్బులను కనెక్ట్ చేసుకోవచ్చని పేర్కొన్నారు.
చిత్రం..రమేష్‌బాబు రూపొందించిన ఎల్‌ఇడి క్యాండిల్స్. ఇన్‌సెట్‌లో రూపకర్త
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.