రాష్ట్రీయం
మావటిపై గజరాజు దాడి
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, డిసెంబర్ 18: తిరుమలలో శ్రీవారికి తమ వంతు సేవలందిస్తు గజరాజులను కంటికి రెప్పలా సంరక్షిస్తున్న గంగయ్య అనే మావటిపై ఆదివారం సాయంత్రం అవనిజ అనే గజరాజు దాడి చేసింది. ఈసంఘటనలో తీవ్రంగా గాయపడ్డ గంగయ్యను వెంటనే చికిత్స కోసం అశ్విని ఆసుపత్రికి తరలించారు. అక్కడ నుంచి అత్యవసర వైద్యం కోసం తిరుపతిలోని స్విమ్స్‌కు తరలించారు. ఈ సంఘటన వివరాలిలా ఉన్నాయి. ప్రతిరోజు శ్రీవారి ఊరేగింపు సందర్భంగా మావటిలు గోశాలలోని గజరాజులను ఆలయం ముందుకు తీసుకొస్తారు. అందులో భాగంగానే లక్ష్మి, అవనిజ అనే గజరాజులను ఆలయం ముందుకు తీసుకొస్తున్నారు. ఏమైందో తెలియదు కాని తూర్పు మాడవీధిలోని వరాహస్వామి ఆలయం వద్దకు రాగానే ఊహించని రీతిలో అవనిజ తన తొండంతో మాటిని కొట్టి పాదంతో కాళ్లపై తొక్కింది. దీంతో అతడి కాలు విరిగింది. ఊహించని ఈ పరిణామానికి గంగయ్య భీతిల్లాడు. తక్షణం తేరుకున్న మరో మావటి అవనిజను అదుపుచేసి కాళ్లకు సంకెళ్లు వేసి నెమ్మదిగా గోశాలకు తీసుకెళ్లాడు. గాయపడ్డ గంగయ్యను స్థానిక అశ్విని ఆసుపత్రికి అక్కడ నుంచి మెరుగైన వైద్యం కోసం స్విమ్స్‌కు తరలించారు.
చిత్రం..దాడిలో గాయపడ్డ మావటి గంగయ్య
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.