రాష్ట్రీయం
ప్రాంతీయ పార్టీలతో ఇదే చిక్కు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 10: ప్రాంతీయ పార్టీలతో ఇదే చిక్కు అని తమిళనాడు మాజీ గవర్నర్ డాక్టర్ కె. రోశయ్య అభిప్రాయపడ్డారు. ప్రాంతీయ పార్టీల్లో ఎక్కడైనా ఏక వ్యక్తి పాలన ఉంటుందని, ఆ వ్యక్తికి ఏదైనా జరిగితే సంక్షోభం తలెత్తుతుందని ఆయన శుక్రవారం ‘ఆంధ్రభూమి ప్రతినిధి’తో మాట్లాడుతూ అన్నారు. ఇప్పుడు తమిళనాడు రాష్ట్రంలోనూ అదే జరిగిందని ఆయన తెలిపారు. అయితే తమిళనాడులో ఇది కొత్తేమి కాదని, గతంలోనూ ఇటువంటి సంక్షోభాలు తలెత్తాయని, సమిసిపోయాయని ఆయన చెప్పారు. లోగడ అన్నా దొరై, ఎంజి రామచంద్రన్ మృతి చెందిన సమయంలోనూ సంక్షోభంలో తలెత్తాయి, కొంత కాలానికి సద్దుమణిగాయి అని ఆయన తెలిపారు. ఇప్పుడు కూడా రాజకీయ ఉత్కంఠ, ఉద్రిక్త వాతావరణం నాలుగు రోజులు ఉన్నా, కాలక్రమేణా సంక్షోభం సద్దుమణుగుతుందని అన్నారు. ఎమ్మెల్యేల సంపూర్ణ మెజారిటీ ఎవరికి ఉన్నా, ఏ పార్టీకి ఉన్నా ఆ పార్టీని లేదా గ్రూపును ప్రభుత్వం ఏర్పాటు చేయాల్సిందిగా గవర్నర్ ఆహ్వానించడం ఆనవాయితీగా వస్తోందని ఆయన తెలిపారు. అది రాజ్యాంగ ధర్మం కూడా అని అన్నారు. ఆ దిశగా ఇప్పుడు తమిళనాడు రాష్ట్ర ఇన్‌ఛార్జీ గవర్నర్ చెన్నమనేని విద్యాసాగర్ రావు నిర్ణయం తీసుకుంటారని ఆయన చెప్పారు. ఈ సమయంలో మీరు గవర్నర్ ఉండి ఉంటే, మీ నిర్ణయం ఎలా ఉండేది? అని ప్రశ్నించగా, తాను లేను కాబట్టి ఆ ప్రశే్న ఉత్పన్నం కాదని ఆయన సమాధానమిచ్చారు. అయితే ఎవరు గవర్నర్‌గా ఉన్నా రాజ్యాంగం ప్రకారం సుస్థిర ప్రభుత్వ ఏర్పాటుకు నిర్ణయం తీసుకుంటారు కాబట్టి ఇందులో అనుమానాలకు, అపొహలకు తావు లేదని అన్నారు. ఇప్పుడున్న పరిస్థితుల్లో రాష్టప్రతి పాలన అనివార్యమని భావిస్తున్నారా? అని ప్రశ్నించగా, ఊహజనితమైన ప్రశ్నలెందుకని డాక్టర్ కె. రోశయ్య ఎదురు ప్రశ్నించారు. శశికళతో తనకు పరిచయం లేదని, ఎప్పుడైనా జయలలితతో రాజ్‌భవన్‌కు వచ్చేదని, అప్పుడు నమస్కారం పెట్టేవారని, అంత వరకే ముఖ పరిచయమని ఆయన చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.