రాష్ట్రీయం
హైదరాబాద్ ఎంపీ సీటే లక్ష్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 3: గత ఎన్నికల్లో విఫలమైన అన్ని లోక్‌సభ, శాసనసభ నియోజకవర్గాల్లోని ప్రజలకు పార్టీ భావాలను, అభివృద్ధి కార్యక్రమాలను వివరించి వారిలో సానుకూల వాతావరణాన్ని తీసుకువచ్చేందుకు బిజెపి దేశవ్యాప్తంగా సామాజిక సమరసత కార్యక్రమాన్ని నిర్వహించనుంది. ఇందుకోసం దేశవ్యాప్తంగా 120 లోక్‌సభ నియోజకవర్గాల్లో భారీ ఏర్పాట్లు చేస్తోంది. ఈ నియోజకవర్గాల్లో అసెంబ్లీ నియోజకవర్గాల వారీ కార్యకర్తల సదస్సులను నిర్వహిస్తారు. ప్రతి సదస్సుకు కేంద్ర మంత్రి లేదా జాతీయ స్థాయి నాయకులను పంపించి పార్టీ ఇటీవల సాధించిన ఘన విజయాలతో పాటు సంక్షేమ కార్యక్రమాలను వివరిస్తారు. యుపిలో ముస్లిం ప్రభావిత ప్రాంతాల్లో గెలవగా లేనిది తెలంగాణలో ఎందుకు గెలవలేమనే భావనతో పార్టీ ఈసదస్సులకు ఏర్పాట్లు చేస్తోంది. ఈ విషయాన్ని తెలంగాణ రాష్ట్ర అధ్యక్షుడు డాక్టర్ కె.లక్ష్మణ్ సోమవారం పాత్రికేయులకు వివరించారు. హైదరాబాద్ ఎంపి స్థానాన్ని గెలవడమే లక్ష్యంగా వ్యూహ రచన చేస్తున్నామని లక్ష్మణ్ చెప్పారు. పార్టీ జాతీయ అధ్యక్షుడు అమిత్‌షా ఈ నెల 7వ తేదీన హైదరాబాద్‌కు వస్తున్నారని భాజపా విస్తృతస్థాయి సమావేశంలో అమిత్‌షా కూడా పాల్గొంటారని ఆయన వెల్లడించారు. దేశంలో అన్ని ప్రాంతాల్లో బిజెపి పట్ల సానుకూల వాతావరణం నెలకొందని చెప్పారు. పూర్తికాలం పార్టీ కోసం పనిచేసే కార్యకర్తలను గుర్తించి వారికి కేంద్రప్రభుత్వం అమలుచేస్తున్న పథకాలపై సమగ్ర అవగాహన కల్పిస్తామని ఈ నెల 7వ తేదీన అన్ని పార్లమెంటరీ నియోజకవర్గాల్లో సదస్సులు నిర్వహిస్తామని చెప్పారు. ముస్లిం జనాభా ఉన్న ప్రాంతాల్లో సైతం బిజెపి గెలిచిందని, అదే రీతిన హైదరాబాద్‌లోనూ సాధ్యమవుతుందని, అందుకు ప్రత్యేక వ్యూహాన్ని రూపొందిస్తున్నామని తెలిపారు. రాష్ట్రంలో తెరాసకు ప్రత్యామ్నాయ శక్తిగా బిజెపిని తీర్చిదిద్దుతున్నామన్నారు. నితిన్ గడ్కారీ నిజామాబాద్ పార్లమెంటు సదస్సుకు, అనంతకుమార్ మహబూబ్‌నగర్ సదస్సుకు, భువనగిరి సదస్సుకు ప్రకాష్ జవదేకర్ హాజరవుతారని పేర్కొన్నారు. పొన్ను రాధాకృష్ణ వరంగల్ పార్లమెంటు సదస్సుకు వస్తారని, కె హరిబాబు మెదక్ పార్లమెంటు సదస్సుకు హాజరవుతారని, మల్కాజ్‌గిరి సదస్సుకు మురళీధరరావు వస్తారని, సికింద్రాబాద్ పార్లమెంటుకు దత్తాత్రేయ నేతృత్వం వహిస్తారని పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.