రాష్ట్రీయం
విజయవాడలో విషాదం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (క్రైం), జూన్ 18: నగరంలో తీవ్ర విషాదం చోటుచేసుకుంది. తీవ్ర మనస్తాపంతో ఓ కుటుంబం బలిదానానికి ఒడిగట్టింది. కృష్ణలంకలో నివాసముంటున్న బొత్స సురేష్ దంపతులు తమ ముగ్గురు పిల్లలతో కలిపి విషం తాగారు. వీరిలో ముగ్గురు చనిపోగా, ఇద్దరు ఆడపిల్లలు ఆస్పత్రిలో చావుబతుకుల మధ్య కొట్టుమిట్టాడుతున్నారు. కుటుంబపరమైన ఆర్థిక ఇబ్బందులే ఈ స్థితికి దారితీశాయని పోలీసులు అంటున్నారు. పోలీసుల కథనం ప్రకారం.. కృష్ణలంక రణదివె నగర్‌లో నివాసముంటున్న బొత్స సురేష్(35) ఆటో నడుపుతుంటాడు. ఈయన కుటుంబంలో భార్య ఏసమ్మ(29), కుమారుడు హరిచరణ్(10), కుమార్తెలు జాను(9), లిఖిత(7) ఉన్నారు. సురేష్ అత్త పెంటమ్మ నగరపాలక సంస్థలో శానిటేషన్ వర్కర్‌గా పనిచేస్తోంది. ఇల్లరికం అల్లుడైన సురేష్ అప్పుడప్పుడూ ఆటో నడిపినా ముఖ్యంగా అత్తకు బదులు ఇతనే పనికి వెళ్తుంటాడు. పని ఇతను చేసినా జీతం మాత్రం అత్త పెంటమ్మ తీసుకుంటుంది. దీంతో ఇంటి నిర్వహణ ఆర్థికపరంగా ఆమె చూస్తుంటుంది. ఈనేపథ్యంలో వారి మధ్య ఆర్థికపరమైన కుటుంబ విభేదాలు కొనసాగుతున్నాయి. దీంతో మనస్థాపానికి గురైన సురేష్ ఆత్మహత్యకు సిద్ధపడ్డాడు. ఈ క్రమంలో ముందుగా ప్రణాళిక వేసుకున్నాడు. శనివారం కుమార్తె జాను పుట్టిరోజు కూడా కలిసి వచ్చింది. కుటుంబ సభ్యులంతా వేడుకలు ఘనంగా జరుపుకున్నారు. తర్వాత రాత్రి ఇంట్లో భార్య దోసెలు వేయగా వాటిలో ముందుగా తెచ్చుకున్న విషం పౌడర్‌ను కలిపిన సురేష్ తన భార్య, పిల్లలతో తినిపించి తానూ తిన్నాడు. దీంతో వీరికి వాంతులు కావడంతో స్థానికులు గుర్తించి ఆస్పత్రికి తరలించేలోగా సురేష్, ఏసమ్మ, హరిచరణ్ మృతి చెందారు.
కుమార్తెలు జాను, లిఖిత మాత్రం విషమ పరిస్థితిలో ఆస్పత్రిలో చికిత్స పొందుతున్నారు. సమాచారం అందుకున్న డిసిపి పాలరాజు, ఏసిపి కె శ్రీనివాసరావు, ఇతర అధికారులు సంఘటనా స్థలాన్ని పరిశీలించారు. మృతదేహాలకు పోస్టుమార్టం నిర్వహించి కుటుంబ సభ్యులకు అప్పగించగా స్వగ్రామం ఉయ్యూరు తరలించారు. కాగా తల్లిదండ్రులు, సోదరుడిని కోల్పోయిన ఆడపిల్లలు ఇద్దరూ అనాథలై ఆస్పత్రిలో ఉన్నారు. వీరి పరిస్థితి చూసి చుట్టుపక్కల నివాశితులు కంటతడి పెట్టారు. ఈ ఘటనపై కేసు నమోదు చేసిన కృష్ణలంక సిఐ దర్యాప్తు చేస్తున్నారు.
చిత్రం.. సురేష్ కుటుంబం (ఫైల్ ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.