రాష్ట్రీయం
ఐవైఆర్‌పై వేటు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 20: ఆంధ్రప్రదేశ్ బ్రాహ్మణ సంక్షేమ కార్పొరేషన్ చైర్మన్ ఐవై ఆర్ కృష్ణారావుపై ప్రభుత్వం వేటు వేసింది. సామాజిక మాధ్యమం ద్వారా ప్రభుత్వానికి వ్యతిరేకంగా పోస్టులు పెట్టారన్న ఆరోపణలపై ముఖ్యమంత్రి చంద్రబాబునాయుడు మంగళవారం హఠాత్తుగా నిర్ణయం తీసుకున్నారు. ఆయన స్థానంలో తెలుగుదేశం పార్టీ నేత అయిన వేమూరి ఆనందసూర్యను నియమిస్తూ కూడా ఉత్తర్వులు జారీ అయ్యాయి. దీంతో పాటు ఎపి ఎండోమెంట్స్ అర్చకులు, ఇతర ఉద్యోగుల సంక్షేమ ఫండ్ ట్రస్ట్ చైర్మన్ పదవుల నుంచి కూడా ఐవైఆర్ కృష్ణారావును తొలగిస్తూ జీఓ జారీ చేశారు. ఈ మేరకు రెవెన్యూ (ఎండోమెంట్స్-1) శాఖ ప్రత్యేక ప్రధాన కార్యదర్శి డాక్టర్ డి. సాంబశివరావు పేరుతో జీఓ (జీఓ ఎంఎస్ నెంబర్ 219, తేదీ 20-06-2017) జారీ అయింది. ఐవైఆర్ కృష్ణారావును రెండు సంస్థలకు చైర్మన్‌గా నియమిస్తూ 2016 జనవరి 29న రెండు జీఓలు వెలువడ్డాయి. జీఓలు వెలువడ్డ వారంలోగా ఆయన పదవీ బాధ్యతలు స్వీకరించారు. సాధారణంగా కార్పొరేషన్ చైర్మన్ల పదవీకాలం రెండు సంవత్సరాల పాటు ప్రభుత్వం నిర్ణయిస్తుండగా, కృష్ణారావుకు మాత్రం మూడు సంవత్సరాలు గడువు ఇచ్చారు. హైదరాబాద్‌లోని దేవాదాయ శాఖ కమిషనర్ కార్యాలయంలో కృష్ణారావుకు వసతి ఏర్పాటు చేయగా, అందులోనే ఆయన పదవీ బాధ్యతలు స్వీకరించారు. ఇటీవలే ఆయన రెండు కార్యాలయాలను విజయవాడకు తరలించారు. కృష్ణారావు పదవీబాధ్యతలు చేపట్టి ఒకటిన్నర సంవత్సరం గడచిపోయింది.
ప్రభుత్వ నిర్ణయాలకు వ్యతిరేకంగా ఫేస్‌బుక్‌లో కృష్ణారావు ‘పోస్ట్’లు పెట్టారన్నది ప్రధానమైన ఆరోపణ. బ్రాహ్మణ కార్పొరేషన్ ద్వారా లబ్ధిదారుల ఎంపికలో వైఎస్‌ఆర్ కాంగ్రెస్ పార్టీ కార్యకర్తలకు పెద్దపీట వేశారని కూడా ఆయనపై అధికారపక్షం నేతలు, కార్యకర్తలు అధిష్ఠానానికి ఫిర్యాదు చేశారు. వైఎస్‌ఆర్ సిపి నేతలతో సన్నిహితంగా మెలుగుతున్నారంటూ ఆయనపై ఆరోపణలు వెల్లువెత్తాయి. అన్నింటికీ మించి సామాజిక మాధ్యమంలో ఆయన ప్రభుత్వానికి వ్యతిరేకంగా పెట్టిన పోస్టులు అత్యంత వివాదాస్పదమయ్యాయి. కొన్ని పోస్టులను ఆయన స్వయంగా పోస్ట్ చేయగా, మరికొన్ని పోస్టులను వేరే వారివి ఆయన షేర్ చేశారు. గౌతమీపుత్ర శాతకర్ణి సినిమాకు ప్రభుత్వం రాయితీలివ్వటాన్ని ఆయన తప్పు పట్టారు. సోషల్ మీడియాలో పోస్ట్‌లు చేసిన రవికిరణ్ అరెస్టుపైనా ఆయన అసంతృప్తి వ్యక్తం చేశారు. ప్రధానమంత్రి నరేంద్రమోదీని ప్రతిపక్ష నేత జగన్మోహన్‌రెడ్డి కలవటంపై మరొకరు పెట్టిన పోస్టును ఆయన షేర్ చేయటం ఇంకా వివాదాస్పదమైంది. వీటన్నింటి నేపథ్యంలో మంగళవారం ఆయన్ను అన్ని పదవుల నుంచి తప్పిస్తూ ప్రభుత్వం నిర్ణయం తీసుకుంది.
కొత్త చైర్మన్‌గా ఆనంద్‌సూర్య
ఐవైఆర్‌ను తొలగించటంతోపాటే వెంటనే ఆయన స్థానాన్ని పార్టీ నాయకుడు వేమూరి ఆనంద సూర్యతో భర్తీ చేశారు. ఎపి బ్రాహ్మణ సంక్షేమ కార్పోరేషన్ కొత్త చైర్మన్‌గా వేమూరి ఆనంద సూర్యను నియమిస్తూ మంగళవారం సాయంత్రం మరో జీఓ రెవెన్యూ (ఎండోమెంట్స్-1) శాఖ ప్రత్యేక ప్రధాన కార్యదర్శి డాక్టర్ డి. సాంబశివరావు పేరుతో జారీ అయింది. చైర్మన్ పోస్టులో కొనసాగేందుకు కృష్ణారావుకు మూడు సంవత్సరాల గడవు ఇవ్వగా ఆనంద్ సూర్యకు రెండు సంవత్సరాలు మాత్రమే గడువు ఇచ్చారు.
చిత్రం.. వేమూరి ఆనందసూర్య
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.