రాష్ట్రీయం
మావోల చేతిలో సరికొత్త రాకెట్
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, జూన్ 27: ఇటీవలే రాకెట్ లాంచర్లతో పోలీసులపై విరుచుకుపడ్డ మావోయిస్టులు తాజాగా సరికొత్త ఆయుధంతో కలకలం సృష్టించారు. చిన్నపాటి రాకెట్‌ను పోలి ఉన్న ఈ ఆయుధానికి బాంబును అనుసంధానం చేసి శత్రువుపై ఉపయోగించడానికి సిద్ధం చేశారు. బస్తర్ అటవీ ప్రాంతంలోని కాంకేర్ జిల్లా మిర్తూర్ పోలీస్ స్టేషన్ పరిధిలోని చెర్లీ అవుట్ పోస్టుపై మావోలు ఆదివారం దీన్ని ప్రయోగించారు. అయితే పోలీసులు అప్రమత్తంగా ఉండటంతో పెనుముప్పు తప్పింది. దీని శకలాలను పోలీసు ఉన్నతాధికారులకు పంపించారు. రాకెట్ ప్రొఫెల్లెంట్ బాంబుగా దీన్ని గుర్తించారు. వేసవి ముగిసి చెట్లు చిగురించగానే నక్సల్స్ దాడులకు తెగబడుతున్నారు. ఇటీవల తెలంగాణ రాష్ట్రంలోని ఖమ్మం జిల్లా వెంకటాపురం మండలం విజయపురికాలనీ వద్ద జాతీయ రహదారి పక్కనే ప్రెషర్ బాంబును పేల్చారు. రెండు రోజులు తిరగక ముందే మండల కేంద్రం చర్లలోని పూజారిగూడెంలో బంద్ సందర్భంగా క్లెమోర్ మైన్ పేల్చి కరపత్రాలు వదిలి పోలీసులకు మరో సవాల్ విసిరారు. దండకారణ్యంలోని తెలంగాణ, చత్తీస్‌గఢ్, ఆంధ్రా సరిహద్దుల్లో మావోయిస్టులు దాడులు తీవ్రతరం చేస్తుండటంతో కేంద్ర హోంశాఖ ఈ ప్రాంతంలో రెడ్ అలర్ట్ ప్రకటించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.