ఆటాపోటీ
షాజాద్ దూకుడు
S ,7 à 8 RSCA (si SASPAS) et 6 cialis pharmacie cialis rapports de stage.
ఎప్పుడూ అంతర్యుద్ధం, బాంబు మోతలతో మారుమోగే అఫ్గానిస్థాన్‌లో క్రీడాకారులుగా ఎదగడం అనుకున్నంత సులభం కాదు. ‘బుకాషి’ వంటి సాంప్రదాయ ఆటలకు తప్ప అఫ్గాన్‌లో మిగతా వాటికి ప్రాధాన్యం లేదు. క్రికెట్‌ను ఇస్లామిక్ మత విశ్వాసాలకు విరుద్ధంగా అక్కడ అభివర్ణిస్తారు. ఇలాంటి ప్రతికూల పరిస్థితులను ఎదుర్కొంటూ, అంతర్జాతీయ క్రికెటర్‌గా ఎదిగిన మహమ్మద్ షాజాద్ దూకుడును కొనసాగిస్తున్నాడు. టి-20 ఫార్మాట్‌లో భారత కెప్టెన్ విరాట్ కోహ్లీని ఐదో స్థానానికి నెట్టేసి, నాలుగో స్థానాన్ని ఆక్రమించడం అతని ప్రతిభకు నిదర్శనం. తన 58వ మ్యాచ్‌లో అతను 72 పరుగులు చేయడం ద్వారా, మొత్తం 1,779 పరుగులతో కోహ్లీని ఒక స్థానం కిందకు నెట్టేశాడు. ఈ ఫార్మాట్‌లో అత్యధిక పరుగులు చేసిన బ్యాట్స్‌మన్‌గా 1,709 పరుగులతో కోహ్లీ నాలుగో స్థానంలో ఉండగా, షాజాద్ అతని స్థానాన్ని ఆక్రమించాడు. భారత కెప్టెన్ చాలా తొందరగా షాజాద్‌ను వెనక్కునెట్టి, ముందుకు దూసుకెళ్లడం ఖాయం. అయితే, క్రికెట్‌కు ఏమాత్రం ఆదరణ, ప్రోత్సాహం లేని దేశం నుంచి షాజాద్ ఈ ఫీట్‌ను సాధించడాన్ని గొప్ప విషయం గానే చెప్పుకోవాలి. బ్రెండన్ మెక్‌కరమ్ (2,140 పరుగులు), తిలకరత్నే దిల్షాన్ (1,889), మార్టిన్ గుప్టిల్ (1,806) మాత్రమే ఎక్కువ పరుగులు చేసిన బ్యాట్స్‌మెన్ జాబితాలో షాజాద్ కంటే ముందున్నారు.
Related Articles
టీమిండియాకు స్ఫూర్తిదాయకమైన నాయకత్వాన్ని అందించిన వారిలో కపిల్ దేవ్ తర్వాత సౌరవ్ గంగూలీ పేరు చెప్పుకోవాలి. అతని నుంచి 3ది వాల్2 రాహుల్ ద్రవిడ్‌కు జట్టు పగ్గాలు లభించాయి. సమర్థుడైన బ్యాట్స్‌మన్‌గా భారత్‌ను ఎన్నోసార్లు ఆదుకున్న ద్రవిడ్ కెప్టెన్‌గా అదేస్థాయిలో రాణించలేకపోయాడు.
కోహ్లీ మొండి వైఖరి గురించి ఎంత తక్కువగా చెప్తే అంత మంచిది. సొంత అజెండాను అమలు చేసే అతను, జట్టు ప్రయోజనాలు గాలికి కొట్టుకుపోయినా సరే తన పంతమే నెగ్గాలన్న అతని వైఖరి కారణంగానే కోచ్ పదవి నుంచి అనీల్ కుంబ్లే ఉద్వాసనకు గురయ్యాడు.
ఏ క్రీడలోనైనా రికార్డులు ఉన్నది బద్దలు కావడానికే అని అంటారు. అది నిజం కూడా. క్రికెట్‌లో రికార్డులు తరచు మారుతూనే ఉన్నాయి. కానీ, కొన్ని దశాబ్దాలుగా చెక్కుచెదరని రికార్డులు కూడా ఉన్నాయి.
పాకిస్తాన్ మాజీ సూపర్ ఫాస్ట్ బౌలర్ షోయబ్ అక్తర్ వికెట్ సాధించిన వెంటనే తనదైన శైలిలో, పక్షి రెక్కలు చాచి గాలిలో ఫీట్లు చేస్తున్నట్టు పరుగులు తీస్తాడు. వికెట్ లభించినప్పుడు ఒక్కొక్కరూ ఒక్కో విధంగా సెలబ్రేట్ చేసుకుంటారు. అయితే, అందరిలోకీ అక్తర్‌ది భిన్నమైన విధానం.
కెరీర్‌లో తొలి టెస్టు ఆడుతూ శతకాలు సాధించినవారు లేకపోలేదు. అయితే, మొదటి టెస్టులోనే అత్యధిక పరుగులు చేసిన రికార్డు రెగినాల్డ్ ‘టిప్’ ఫాస్టర్‌కే సొంతం. 1878లో జన్మించిన అతను తన ఆరుగురు సోదరులతో కలిసి కౌంటీ క్రికెట్ ఆడాడు.