ఆటాపోటీ
ధోనీని వేధిస్తున్న స్పైడర్‌క్యామ్
S ,7 à 8 RSCA (si SASPAS) et 6 cialis pharmacie cialis rapports de stage.
అత్యాధునిక సాంకేతిక పరిజ్ఞానాన్ని వినియోగించి క్రికెట్ మ్యాచ్‌ల ప్రత్యక్ష ప్రసారాన్ని మరింత
ఆసక్తికరంగా మార్చేందుకు వినియోగిస్తున్న స్పైడర్ క్యామ్‌లు భారత పరిమిత ఓవర్ల జట్లకు కెప్టెన్‌గా వ్యవహరిస్తున్న మహేంద్ర సింగ్ ధోనీని వేధిస్తున్నాయి. వీటి వల్ల క్రికెట్‌కు మంచికంటే నష్టమే ఎక్కువ వాటిల్లుతోందని ధోనీ అంటున్నాడు. చివరిదైన ఐదో వనే్డలో 331 పరుగుల విజయ లక్ష్యాన్ని ఛేదించే క్రమంలో భారత జట్టు బ్యాటింగ్ చేస్తున్నప్పుడు జాన్ హాస్టింగ్స్ బౌలింగ్‌లో విరాట్ కోహ్లీ కొట్టిన బంతి నేరుగా స్పైడర్‌క్యామ్‌కు తగిలింది. లేకపోతే అది ఖచ్చితంగా బౌండరీ దాటేది. అయితే, అంపైర్లు భారత్‌కు నాలుగు పరుగులు ఇవ్వకుండా, బంతిని డెడ్‌బాల్‌గా ప్రకటించారు. ఈ విషయాన్ని ధోనీ ప్రస్తావిస్తూ మూడు వందలకుపైబడి పరుగులను ఛేదించేందుకు బరిలోకి దిగినప్పుడు ప్రతి పరుగు చాలా కీలకమని వ్యాఖ్యానించాడు. తాను సంప్రదాయవాదినని అంటూ, ఆటగాళ్లకుగానీ, ఆటకుగానీ అడ్డురాకుండా స్పైడర్‌క్యామ్‌లు పని చేస్తే ఎవరికీ అభ్యంతరం ఉండదన్నాడు. బంతిని ఆడ్డుకుంటే వివిధ రకాలుగా పెనాల్టీలు వేస్తారని, అదే సూత్రాన్ని స్పైడర్‌క్యామ్‌కూ వర్తింప చేయాలని అన్నాడు. ‘బంతి స్పైడర్‌క్యామ్‌కు తగిలిన ప్రతిసారీ బ్యాట్స్‌మన్‌కు 2,000 డాలర్లు ఇస్తే బాగుంటుంది కదా’ అని చమత్కరించాడు. సాంకేతిక పరిజ్ఞానం క్రీడకు ఇబ్బందులు సృష్టించకూడదని అన్నాడు.
Related Articles
టీమిండియాకు స్ఫూర్తిదాయకమైన నాయకత్వాన్ని అందించిన వారిలో కపిల్ దేవ్ తర్వాత సౌరవ్ గంగూలీ పేరు చెప్పుకోవాలి. అతని నుంచి 3ది వాల్2 రాహుల్ ద్రవిడ్‌కు జట్టు పగ్గాలు లభించాయి. సమర్థుడైన బ్యాట్స్‌మన్‌గా భారత్‌ను ఎన్నోసార్లు ఆదుకున్న ద్రవిడ్ కెప్టెన్‌గా అదేస్థాయిలో రాణించలేకపోయాడు.
కోహ్లీ మొండి వైఖరి గురించి ఎంత తక్కువగా చెప్తే అంత మంచిది. సొంత అజెండాను అమలు చేసే అతను, జట్టు ప్రయోజనాలు గాలికి కొట్టుకుపోయినా సరే తన పంతమే నెగ్గాలన్న అతని వైఖరి కారణంగానే కోచ్ పదవి నుంచి అనీల్ కుంబ్లే ఉద్వాసనకు గురయ్యాడు.
ఏ క్రీడలోనైనా రికార్డులు ఉన్నది బద్దలు కావడానికే అని అంటారు. అది నిజం కూడా. క్రికెట్‌లో రికార్డులు తరచు మారుతూనే ఉన్నాయి. కానీ, కొన్ని దశాబ్దాలుగా చెక్కుచెదరని రికార్డులు కూడా ఉన్నాయి.
పాకిస్తాన్ మాజీ సూపర్ ఫాస్ట్ బౌలర్ షోయబ్ అక్తర్ వికెట్ సాధించిన వెంటనే తనదైన శైలిలో, పక్షి రెక్కలు చాచి గాలిలో ఫీట్లు చేస్తున్నట్టు పరుగులు తీస్తాడు. వికెట్ లభించినప్పుడు ఒక్కొక్కరూ ఒక్కో విధంగా సెలబ్రేట్ చేసుకుంటారు. అయితే, అందరిలోకీ అక్తర్‌ది భిన్నమైన విధానం.
కెరీర్‌లో తొలి టెస్టు ఆడుతూ శతకాలు సాధించినవారు లేకపోలేదు. అయితే, మొదటి టెస్టులోనే అత్యధిక పరుగులు చేసిన రికార్డు రెగినాల్డ్ ‘టిప్’ ఫాస్టర్‌కే సొంతం. 1878లో జన్మించిన అతను తన ఆరుగురు సోదరులతో కలిసి కౌంటీ క్రికెట్ ఆడాడు.