ఆటాపోటీ
తొలి విజేత రాజస్థాన్
S ,7 à 8 RSCA (si SASPAS) et 6 cialis pharmacie cialis rapports de stage.
మొట్టమొదటి ఐపిఎల్ ఫైనల్ చివరి క్షణం వరకూ తీవ్ర ఉత్కంఠ మధ్య కొనసాగింది. 2008 జూన్ ఒకటో తేదీన జరిగిన ఈ మ్యాచ్‌లో చెన్నై సూపర్ కింగ్స్, రాజస్థాన్ రాయల్స్ ఢీ కొన్నాయి. చెన్నై మొదట బ్యాటింగ్ చేసి 20 ఓవర్లలో 5 వికెట్లకు 163 పరుగులు సాధించింది. పార్థీవ్ పటేల్ 38, సురేష్ రైనా 43, మహేంద్ర సింగ్ ధోనీ 29 (నాటౌట్) చొప్పున పరుగులు చేయగా, రాజస్థాన్ బౌలర్ యూసుఫ్ పఠాన్ 22 పరుగులకు మూడు వికెట్లు పడగొట్టాడు. సొహైల్ తన్వీర్, షేన్ వాట్సన్‌కు చెరొక వికెట్ లభించింది. అనంతరం రాజస్థాన్ ఏడు వికెట్లు కోల్పోయి లక్ష్యాన్ని చేరడం ద్వారా, మూడు వికెట్ల తేడాతో విజయభేరి మోగించి తొలి ఐపిఎల్‌ను సొంతం చేసుకుంది. చివరి బంతి వరకూ ఈ మ్యాచ్ కొనసాగడం ప్రేక్షకులను ఉర్రూతలూగించింది. యూసుఫ్ పఠాన్ 56, స్వప్నిల్ అస్నోడ్కర్ 28 పరుగులు చేసి, రాజస్థాన్‌ను రేస్‌లో ఉంచారు. చివరి ఓవర్‌లో విజయానికి 8 పరుగులు అవసరమయ్యాయి. లక్ష్మీపతి బాలాజీ వేసిన ఆ ఓవర్‌లో ఐదు బంతుల్లో ఏడు పరుగులు లభించగా స్కోరు సమమైంది. చివరి బంతికి ఒక పరుగు చేయాల్సిన స్థితిలో సొహైల్ తన్వీర్ లాంగ్ లెగ్ మీదుగా షాట్ కొట్టి రెండు పరుగులు సాధించాడు. రాజస్థాన్ తొలి ఐపిఎల్ ట్రోఫీని స్వీకరించింది. ఆల్‌రౌండ్ ప్రతిభ కనబరచిన యూసుఫ్ పఠాన్‌కు ప్లేయర్ ఆఫ్ ది మ్యాచ్ అవార్డు లభించింది.
Related Articles
టీమిండియాకు స్ఫూర్తిదాయకమైన నాయకత్వాన్ని అందించిన వారిలో కపిల్ దేవ్ తర్వాత సౌరవ్ గంగూలీ పేరు చెప్పుకోవాలి. అతని నుంచి 3ది వాల్2 రాహుల్ ద్రవిడ్‌కు జట్టు పగ్గాలు లభించాయి. సమర్థుడైన బ్యాట్స్‌మన్‌గా భారత్‌ను ఎన్నోసార్లు ఆదుకున్న ద్రవిడ్ కెప్టెన్‌గా అదేస్థాయిలో రాణించలేకపోయాడు.
కోహ్లీ మొండి వైఖరి గురించి ఎంత తక్కువగా చెప్తే అంత మంచిది. సొంత అజెండాను అమలు చేసే అతను, జట్టు ప్రయోజనాలు గాలికి కొట్టుకుపోయినా సరే తన పంతమే నెగ్గాలన్న అతని వైఖరి కారణంగానే కోచ్ పదవి నుంచి అనీల్ కుంబ్లే ఉద్వాసనకు గురయ్యాడు.
ఏ క్రీడలోనైనా రికార్డులు ఉన్నది బద్దలు కావడానికే అని అంటారు. అది నిజం కూడా. క్రికెట్‌లో రికార్డులు తరచు మారుతూనే ఉన్నాయి. కానీ, కొన్ని దశాబ్దాలుగా చెక్కుచెదరని రికార్డులు కూడా ఉన్నాయి.
పాకిస్తాన్ మాజీ సూపర్ ఫాస్ట్ బౌలర్ షోయబ్ అక్తర్ వికెట్ సాధించిన వెంటనే తనదైన శైలిలో, పక్షి రెక్కలు చాచి గాలిలో ఫీట్లు చేస్తున్నట్టు పరుగులు తీస్తాడు. వికెట్ లభించినప్పుడు ఒక్కొక్కరూ ఒక్కో విధంగా సెలబ్రేట్ చేసుకుంటారు. అయితే, అందరిలోకీ అక్తర్‌ది భిన్నమైన విధానం.
కెరీర్‌లో తొలి టెస్టు ఆడుతూ శతకాలు సాధించినవారు లేకపోలేదు. అయితే, మొదటి టెస్టులోనే అత్యధిక పరుగులు చేసిన రికార్డు రెగినాల్డ్ ‘టిప్’ ఫాస్టర్‌కే సొంతం. 1878లో జన్మించిన అతను తన ఆరుగురు సోదరులతో కలిసి కౌంటీ క్రికెట్ ఆడాడు.