ఆటాపోటీ
బ్యాట్స్‌మెన్ ఆధిపత్యం
S ,7 à 8 RSCA (si SASPAS) et 6 cialis pharmacie cialis rapports de stage.
తొమ్మిదో ఐపిఎల్‌లో బ్యాట్స్‌మెన్ ఆధిప త్యం స్పష్టంగా కనిపించింది. ఒక వికెట్‌కు సగటున 28.36 పరుగులు జత కలిశాయి. 2014లో వికెట్‌కు సగటున 28.18 పరుగులు నమోదయ్యాయి. ఆ రికార్డును తొమ్మిదో ఐపిఎల్ అధిగమించింది. విరాట్ కోహ్లీ 973 పరుగులు సాధించాడు. ఒక సీజన్‌లో ఒక బ్యాట్స్‌మన్ సాధించిన అత్యధిక పరుగుల జాబితాలో అతను అగ్రస్థానాన్ని సంపాదించాడు. అంతేగాక, ఐపిఎల్‌లో ఎక్కువ పరుగులు చేసిన బ్యాట్స్‌మెన్ పట్టికలో సురేష్ రైనాను రెండో స్థానానికి నెట్టిన కోహ్లీ నంబర్ వన్‌గా ఎదిగాడు. కాగా, ఈ ఐపిఎల్‌లో సన్‌రైజర్స్ కెప్టెన్ డేవిడ్ వార్నర్ 848 పరుగులు సాధించాడు. ఒక సీజన్‌లో ఎక్కువ పరుగులు చేసిన బ్యాట్స్‌మన్ రికార్డును పంచుకుంటున్న క్రిస్ గేల్ (2012లో 733 పరుగులు), మైఖేల్ హస్సీ (2013లో 733 పరుగులు)లను కోహ్లీ, వార్నర్ ఏకంగా మూడో స్థానానికి నెట్టేశారు. వార్నర్ సాధించిన పరుగుల్లో 468 పరుగులు లక్ష్యాన్ని ఛేదిచే సమయంలో చేసినవే కావడం విశేషం. ఒక ఐపిఎల్ సీజన్‌లో ఈ విధంగా లక్ష్యాన్ని ఛేదించే క్రమంలో ఎక్కువ పరుగులు చేసిన బ్యాట్స్‌మన్‌గా అతను 2014లో రాబిన్ ఉతప్ప 457 పరుగులతో నెలకొల్పిన రికార్డును బద్దలు చేశాడు. ఎబి డివిలియర్స్ 687 పరుగులు చేసి, ఒక ఐపిఎల్ సీజన్‌లో నాన్ ఓపెనింగ్ బ్యాట్స్‌మెన్ చేసిన అత్యధిక స్కోరు రికార్డును నెలకొల్పాడు.
2013లో విరాట్ కోహ్లీ ఓపెనింగ్ స్లాట్‌లో రాకుండా 578 పరుగులు చేయగా, డివిలియర్స్ ఆ రికార్డును బద్దలు చేశాడు. డివిలియర్స్ ఈ సీజన్‌లో మూడో స్థానంలో బ్యాటింగ్ చేయడం విశేషం. సెకండ్ డౌన్‌లో బ్యాటింగ్‌కు దిగినప్పుడు ఎక్కువ పరుగులు చేసిన రెండో బ్యాట్స్‌మన్ సురేష్ రైనా, అతని ఖాతాలో 375 పరుగులు ఉన్నాయి. ఈ స్థానంలో బ్యాటింగ్ చేసిన ఏడు జట్ల బ్యాట్స్‌మెన్ సగటున 27.39 పరుగులు చేశారు. రాయల్ చాలెంజర్స్ బెంగళూరుకు చెందిన సెకండ్ డౌన్ బ్యాట్స్‌మెన్ మాత్రం 56.53 సగటుతో సత్తా చాటారు.
Related Articles
టీమిండియాకు స్ఫూర్తిదాయకమైన నాయకత్వాన్ని అందించిన వారిలో కపిల్ దేవ్ తర్వాత సౌరవ్ గంగూలీ పేరు చెప్పుకోవాలి. అతని నుంచి 3ది వాల్2 రాహుల్ ద్రవిడ్‌కు జట్టు పగ్గాలు లభించాయి. సమర్థుడైన బ్యాట్స్‌మన్‌గా భారత్‌ను ఎన్నోసార్లు ఆదుకున్న ద్రవిడ్ కెప్టెన్‌గా అదేస్థాయిలో రాణించలేకపోయాడు.
కోహ్లీ మొండి వైఖరి గురించి ఎంత తక్కువగా చెప్తే అంత మంచిది. సొంత అజెండాను అమలు చేసే అతను, జట్టు ప్రయోజనాలు గాలికి కొట్టుకుపోయినా సరే తన పంతమే నెగ్గాలన్న అతని వైఖరి కారణంగానే కోచ్ పదవి నుంచి అనీల్ కుంబ్లే ఉద్వాసనకు గురయ్యాడు.
ఏ క్రీడలోనైనా రికార్డులు ఉన్నది బద్దలు కావడానికే అని అంటారు. అది నిజం కూడా. క్రికెట్‌లో రికార్డులు తరచు మారుతూనే ఉన్నాయి. కానీ, కొన్ని దశాబ్దాలుగా చెక్కుచెదరని రికార్డులు కూడా ఉన్నాయి.
పాకిస్తాన్ మాజీ సూపర్ ఫాస్ట్ బౌలర్ షోయబ్ అక్తర్ వికెట్ సాధించిన వెంటనే తనదైన శైలిలో, పక్షి రెక్కలు చాచి గాలిలో ఫీట్లు చేస్తున్నట్టు పరుగులు తీస్తాడు. వికెట్ లభించినప్పుడు ఒక్కొక్కరూ ఒక్కో విధంగా సెలబ్రేట్ చేసుకుంటారు. అయితే, అందరిలోకీ అక్తర్‌ది భిన్నమైన విధానం.
కెరీర్‌లో తొలి టెస్టు ఆడుతూ శతకాలు సాధించినవారు లేకపోలేదు. అయితే, మొదటి టెస్టులోనే అత్యధిక పరుగులు చేసిన రికార్డు రెగినాల్డ్ ‘టిప్’ ఫాస్టర్‌కే సొంతం. 1878లో జన్మించిన అతను తన ఆరుగురు సోదరులతో కలిసి కౌంటీ క్రికెట్ ఆడాడు.