రాష్ట్రీయం
బినామీ ఆస్తుల్నీ అటాచ్ చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 26: అగ్రిగోల్డ్ యాజమాన్యం కోర్టుకు వెల్లడించిన ఆస్తులు కాకుండా బినామీ పేర్లతో ఉన్న ఆస్తులనూ వెంటనే అటాచ్ చేయాల్సిందిగా ఆంధ్రప్రదేశ్ ప్రభుత్వాన్ని హైకోర్టు శుక్రవారం ఆదేశించింది. బినామీ పేర్లతో ఉన్న ఆస్తులను కోర్టుకు వెల్లడించకుండా అగ్రిగోల్డ్ యాజమాన్యం కోర్టును కూడా మోసం చేయాలని చూసిందని హైకోర్టు తీవ్ర వ్యాఖ్యలు చేసింది. కోర్టుకు వెల్లడించిన ఆస్తులు కాకుండా అగ్రిగోల్డ్ యాజమాన్యం మరో 70 స్థిరాస్తులు కలిగి ఉన్నట్టు తమ విచారణలో నిందితులు అంగీకరించినట్టు సిఐడి అధికారులు హైకోర్టు దృష్టికి తీసుకొచ్చారు. దీంతో వాటినీ వెంటనే అటాచ్ చేయాల్సిందిగా ప్రభుత్వాన్ని హైకోర్టు ఆదేశించింది. ఇంకా ఏమైనా బినామీ ఆస్తులుంటే కోర్టుకు తెలియజేయాలని హైకోర్టు సూచించింది. కోర్టుకు తెలియకుండా బినామీ పేర్లపై ఒక్క ఆస్తి ఉండరాదని, ఇప్పటికైనా స్వచ్ఛందంగా ఇంకా ఏదైనా ఆస్తులు ఉంటే కోర్టుకు తెలియజేయాల్సిందిగా హైకోర్టు ఆదేశించింది. తెలంగాణ అగ్రిగోల్డ్ కస్టమర్స్ అండ్ ఏజెంట్స్ వెల్ఫేర్ అసొసియేషన్ కోర్టులో దాఖలు చేసిన పిటిషన్‌పై ప్రధాన న్యాయమూర్తి జస్టిస్ దిలీప్ బి బొంస్లే, జస్టిస్ ఎస్‌వి భట్‌తో కూడిన ధర్మాసనం శుక్రవారం విచారణ జరిపింది. అగ్రిగోల్డ్ యాజమాన్యాన్ని అరెస్టు చేసి విచారించిన తర్వాత బినామీ పేర్లతో ఉన్న ఆస్తులను వెల్లడించినట్టు ఆంధ్రప్రదేశ్ అడిషనల్ అడ్వకేట్ జనరల్ దమ్మలపాటి శ్రీనివాస్ కోర్టు దృష్టికి తీసుకొచ్చారు. అలాగే అగ్రిగోల్డ్ యాజమాన్యం రూ.10 కోట్ల డిపాజిట్లను ఇతరుల పేర్లపైకి బదలాయించినట్టు కూడా అడ్వకేట్ జనరల్ కోర్టు దృష్టికి తీసుకొచ్చారు. ఇంత పెద్ద వ్యవహారంలో రూ. 10 కోట్ల రూపాయలు అనేది చిన్న మొత్తమని, అయితే ఇంకా పెద్ద మొత్తంలోనే డిపాజిట్లను ఇతరుల పేర్లపైకి బదలాయించి ఉండవచ్చని హైకోర్టు ఆనుమానం వెల్లిబుచ్చింది. ఈ కేసులో బినామీ పేర్లతో ఉన్న ఆస్తులపై మరింత లోతుగా దర్యాప్తు చేయాల్సిందిగా సిఐడి అధికారులను హైకోర్టు ఆదేశించింది. అటాచ్‌మెంట్ చేసే ఆస్తుల వివరాలతో రెండు, మూడు రోజులలో నోటిఫికేషన్ జారీ చేయాలని ఆదేశిస్తూ, విచారణను రెండు వారాలా పాటు వాయిదా వేసింది.
అక్షయగోల్డ్ నిందితులను అరెస్టు చేయండి: హైకోర్టు
అక్షయ గోల్డ్ కేసులో ఈ సంస్థ డైరెక్టర్లను వెంటనే అరెస్టు చేయాల్సిందిగా తెలంగాణ సిఐడి అధికారులను హైకోర్టు శుక్రవారం ఆదేశించింది. అక్షయ గోల్డ్ ఖాతాదారులు, ఏజెంట్స్ వెల్ఫేర్ అసొసియేషన్ దాఖలు చేసిన పిటిషన్‌పై హైకోర్టు ప్రధాన న్యాయమూర్తి జస్టిస్ దిలీప్ బి బొంస్లే, జస్టిస్ ఎస్‌వి భట్‌తో కూడిన ధర్మాసనం విచారణ చేపట్టింది. అగ్రిగోల్డ్ కేసు మాదిరిగా అక్షయగోల్డ్ కేసులో బాధితులకు డబ్బులు తిరిగి చెల్లంచడానికి కమిటీని ఏర్పాటు చేయాల్సిందిగా పిటిషన్‌దారు కోర్టును అభ్యర్థించారు. ఈ కేసును హైకోర్టు విచారణలో ఉండటంతో అక్షయ గోల్డ్ యాజమాన్యానికి కింద కోర్టులు బైయిల్ మంజురు చేయవద్దని కూడా హైకోర్టు సూచించింది. అక్షయ గోల్డ్ కేసులో మొత్తం 28 మంది నిందితులుగా గుర్తించగా, ఇందులో ఇప్పటికే 10 మందిని అరెస్టు చేయగా, మిగతా 18 మంది నిందితులు కింది కోర్టుల నుంచి బైయిల్ పొందినట్టు అదనపు అడ్వకేట్ జనరల్ దమ్మలపాటి శ్రీనివాస్ హైకోర్టుకు వివరించారు. అగ్రిగోల్డ్ కేసులో నిందితుల అరెస్టులో జాప్యం చేయడం వల్ల ఏమి జరిగిందో దృష్టిలో పెట్టుకోవాలని దర్యాప్తు అధికారులకు హైకోర్టు గుర్తు చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.