భక్తి కథలు
సహోదరుల ఐక్యత
S ,7 à 8 RSCA (si SASPAS) et 6 cialis pharmacie cialis rapports de stage.
‘సహోదరులు ఐక్యత కలిగి నివసించుట ఎంత మేలు’ - కీర్తన 1:33
ఐక్యత కలిగి నివసించుట ఎంత మేలు. ఎంత మనోహరం. కుటుంబాలలో, పనిచేసే స్థలాలలో ఐక్యత ఉంటే ఎంత ప్రశాంతంగా ఉంటుంది. అత్యధిక సంతోషం కలుగుతుంది. ఐతే - వాస్తవానికి మనమంతా ఐక్యత కలిగి ఉంటున్నామా? ప్రతి చిన్న విషయానికీ గొడవలు. తగాదాలు. విభేదాలు.. కొట్లాటలు. ప్రతి చిన్న సమస్యకీ ‘ఇగో’లూ. చివరికి నువ్వెంత అంటే నువ్వెంత అనేంత వరకూ వెళుతుంది. అకారణంగా మనస్ఫర్థలు. దీంతో అన్నింట్లోనూ దూరాలు.
‘కలసి ఉంటే కలదు సుఖం’ అంటూ ఆత్రేయ అన్న మాటలు.. 3వేల సంవత్సరాల క్రితమే బైబిల్‌లో రాయబడి ఉన్నాయి. కలసి ఉంటే మేలు, మనోహరమని. అయితే ఈ కలసి ఉండటం అనేది ఎలా సాధ్యం? మానవుని ప్రేమ క్షణక్షణానికి మారుతోంది. ఉదయం ఉన్న ప్రేమ రాత్రికి ఉండదు. రాత్రి ఉన్న ప్రేమ ఉదయానికి ఉండదు. క్షణానికో విధంగా మారే ప్రేమ. ఇక - ఈ మారే ప్రేమతో కలసి ఉండటం సాధ్యమా?
ఇది దేవుని ప్రేమ వల్లనే సాధ్యం. యేసు ప్రభువు సిలువలో మనలను క్షమించిన ప్రేమ ఉంటేనే ఈ ఐక్యత ఉంటుంది. ఆయన ప్రేమ మారనిది. మార్పు లేనిది. ఆయన ప్రేమను మనమూ కలిగి ఉంటేనే మనకు ఐక్యత. మనకు శాంతి. సమాధానం. దేవుడు ఐక్యతను కోరుకుంటాడు. సాతాను భేదాన్ని కోరుకుంటాడు. ఐక్యత అనేది పరిమళ తైలంగా ఉంటుందని బైబిల్ చెబుతోంది. ఇది దేవునికి ఇష్టమైనది. ఇంపైనది.
మన చుట్టూ ఉన్నవారికి కూడా ఇంపైన భావనలు కలిగిస్తుంది. ఐక్యతహార్మోను మంచు లాంటిదని బైబిల్ సెలవిస్తోంది. మంచు చల్లనిది, సేదదీర్చేది. ప్రాణాన్ని తెప్పరిల్లజేసేది. ఇది ప్రభువు ఇచ్చే బహుమానం.
ఐక్యతను మనం కాపాడుకోవాలి. ఐక్యత కలిగి ఉన్నట్లయితే గొప్ప కార్యాలను సాధించవచ్చునన్న సంగతి బైబిల్‌లో చాలా సందర్భాలలో తెలియజేయబడింది. ఈ దినాలలో ఐక్యత లేక ‘ఎవరికి వారే యమునా తీరే’ అన్నట్లు ఉన్నారు. ఒకరికి నష్టమొస్తే మరొకరికి సంతోషం. ఇలాంటి పరిస్థితి శత్రువుకు లాభం. మనలను సులభంగా ఓడిస్తాడు. రాజ్యాలు కోల్పోవటానికి కారణం ఐక్యత లేకపోవటమే.
ఐక్యంగా ఉండటమంటే మనం ఇతరుల నుండి పొందుకోవటం కాకుండా మనమే ఇతరులకిచ్చే గుణాన్ని పెంపొందించుకోవటం. ఐక్యత వల్ల ఆశీర్వాదం. ఐక్యత వల్ల జీవము. ఐక్యత వల్ల సమాధానం. భారతదేశం నా మాతృభూమి. భారతీయులందరూ నా సహోదరి సహోదరులు అని చిన్ననాడు చేసిన ప్రతిజ్ఞను జ్ఞాపకం చేసుకొని కలసికట్టుగా ముందుకు సాగుదాం.
అందరం కలిసిందే కుటుంబం.
అన్ని కుటుంబాలు కలిస్తేనే దేశం.
కనుక ఐకమత్యంతో ఉందాం.
*
Related Articles
శే్వతాంబరధరేదేవి నానాలంకార భూషితే
జగస్థితే జగన్మాత మహాలక్ష్మి నమోస్తుతే అంటూ శ్రావణ శుక్రవారాలు మహాలక్ష్మి దేవీ పూజను స్ర్తిలందరూ
ఆనందోత్సవాలతో జరుపుకొంటారు.
శ్రీ మహావిష్ణువు అవతారమైన శ్రీ నరసింహస్వామి ఉత్తరాఖండ రాష్ట్రంలో హిమాలయ పర్వతాల సమీపాన చమోలి జిల్లాలో అలకానంద నదీ తీరాన నరసింహస్వామి కొలువై యున్నాడు. బదరీనాధ్ క్షేత్రానికి సుమారు 50 కిలోమీటర్ల దూరంలో నరసింహస్వామి ఆలయం వుంది. ఈ ఆలయానికి కొంచెం దూరంలో ఒక సరస్సు వుంది. దీనిని దండధార తీర్థం అంటారు.
శుభాం హిరణ్య ప్రాకారం సముద్రతనయాం జయాం
నమామి మంగళాం దేవీం విష్ణువక్షస్థలస్థితాం .... అంటూ లక్ష్మీదేవిని స్తుతించని వారు ఎవరూ ఉండరు. ఈశ్రావణమాసంలోప్రతివారు వరలక్ష్మీ దేవి పేరిట వైకుంఠనివాసిని పూజిస్తారు.
లోకంలో ఎక్కడ చూసినా ‘మాకు అన్యాయం జరిగింది అంటే మాకు అన్యాయం జరిగింది. మమ్మల్ని మోసం చేశారు. మేం నష్టపోయాం. మేం మోసపోయాం. దేవుడు కూడా మాకు న్యాయం చేయలేదు. మాకు న్యాయం కావాలి’ అని న్యాయస్థానాలను ఆశ్రయిస్తున్నారు. మా తమ్ముడు నన్ను మోసం చేశాడు. మా చెల్లెలు, అన్న, అత్త, కోడలు మోసం చేశారు.
హిందువులకు పరమ పవిత్రమాసంగా భావించబడే మాసం శ్రావణం. ‘‘వాగర్థా వివ సంపృక్తౌ వాగర్థ ప్రతిపత్తయే, జగత: పితరం వందే పార్వతీపరమేశ్వరం ’’అని మహాకవి కాళిదాసు వాగర్థముల జ్ఞానానికై పార్వతీ పరమేశ్వరులను ప్రార్థించాడు. వాగర్థములవలె కూడియున్న పార్వతీ పరమేశ్వరులు జగజ్జననీ జనకులు. ‘‘ఈశానాం సర్వ విజ్ఞానం’’.