రాష్ట్రీయం
పుట్టినరోజు పిలుపులకు వెళ్లి మృత్యువాత
S ,7 à 8 RSCA (si SASPAS) et 6 cialis pharmacie cialis rapports de stage.
ఏడాది బాలుడు సహా
దంపతులు దుర్మరణం
విశాఖలో విషాదం
విశాఖపట్నం, నవంబర్ 28: ఐదు రోజుల్లో మా చిన్నారి మొదటి పుట్టినరోజు జరుపుతున్నాము.. అందరూ రావాలంటూ పిలుపులకు వెళ్లిన తల్లితండ్రులతో పాటు, ఆ బాలుడు కూడా రోడ్డు ప్రమాదంలో దుర్మరణం పాలైన విషాద సంఘటన విశాఖ నగరంలో శనివారం జరిగింది. నగర పరిధిలోని నాతయ్యపాలెం వద్ద ద్విచక్ర వాహనాన్ని వెనుకనుండి వచ్చిన లారీ ఢీకొట్టిన ప్రమాదంలో బల్లిన రమణ (32), ఆయన భార్య మేనక (24), కుమారుడు లితిక్ మృతిచెందారు. ఈ ప్రమాదంలో లితిక్ అక్క కుందన (2) ప్రాణాలతో బయటపడింది. నగరంలోని సుజాతానగర్‌లో ఉంటున్న రమణ కుమారుడు లితిక్ మొదటి పుట్టినరోజు డిసెంబర్ 2న జరగాల్సి ఉంది. ఈ వేడుకకు రావాలంటూ పరవాడ మండలం జాజులపాలెంలోని అత్తగారింటికి శనివారం ఉదయం వెళ్లి ఆహ్వానించి, తిరిగి వస్తుండగా సాయంత్రం ఈ ప్రమాదం జరిగింది. మేనక అక్కడికక్కడే మృతిచెందగా, ఆసుపత్రికి తీసుకువెళుతుండగా రమణ చనిపోయాడు. చాలాసేపు మృత్యువుతో పోరాడిన బాలుడు లితిక్ కూడా రాత్రి ఆసుపత్రిలో కన్నుమూశాడు. కళ్లముందే కుటుంబం మొత్తం ప్రమాదంలో చనిపోయిన విషయం కూడా గ్రహించలేని స్థితిలో చిన్నారి కుందన బేల చూపులతో అమ్మా, నాన్నలకు ఏమైంది.. తమ్ముడు ఎక్కడ.. అంటూ అడుగుతుంటే సమాధానం చెప్పలేక బంధువులు కన్నీళ్లు పెట్టుకుంటున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.