రాష్ట్రీయం
పుస్తక ప్రియులకు పండగొచ్చింది!
S ,7 à 8 RSCA (si SASPAS) et 6 cialis pharmacie cialis rapports de stage.
మొదలైన పుస్తక ప్రదర్శన తొలిరోజే కిటకిట
హైదరాబాద్, డిసెంబర్ 19: పుస్తకప్రియులకు పండగొచ్చింది. 28 ఏళ్లుగా నిరాటంకంగా సాగుతున్న హైదరాబాద్ బుక్ ఫెయిర్ ప్రారంభమైన రోజు నుండే జనాదరణ పెరిగింది. ఎన్టీఆర్ స్టేడియంలో జరుగుతున్న బుక్ ఫెయిర్‌లో శనివారం స్టాల్స్ అన్నీ కిటకిటలాడాయి. సంస్కృతి, రాజకీయాలు, సామాజిక అంశాలు, సాహిత్యం మరీ ముఖ్యంగా నవల, కవిత, కథల సంపుటిలు పోటీ పరీక్షల సమాచారం, పిల్లల పుస్తకాలు, జనరంజక గ్రంథాలు పాఠకులను ఆకట్టుకుంటున్నాయి. బోధనాభ్యసన ఉపకరణాలు, గ్రాఫ్‌లు, పటాలు, మోడల్స్, కంప్యూటర్ పాఠ్యాంశాలు, వ్యక్తుల జీవిత చరిత్రలు, ప్రముఖుల ప్రసంగాలు ఎక్కువ మందిని ఆకర్షిస్తున్నాయి. ప్రతి స్టాల్‌లో చిన్న పిల్లలు మొదలు పెద్దల వరకూ అంతా కనిపించడంతో నగరంలో మరోమారు సాహిత్యగుభాళింపులు విరజిమ్మాయి. జనం పెరగడంతో నిర్వాహకులు ఈసారి మరింత కట్టుదిట్టమైన ఏర్పాట్లు చేశారు. ప్రతి రోజు కవి సమ్మేళనం, పుస్తకాల ఆవిష్కరణ, సాంస్కృతిక కార్యక్రమాలు, తెలంగాణ సాహిత్య చరిత్రలపై గ్రంథాల విడుదల, పిల్లలకు పోటీలు, మహిళా రచయితల సమ్మేళనాలతో హైదరాబాద్ బుక్ ఫెయిర్ అందరినీ ఆకట్టుకుంటోందని అధ్యక్షుడు జూలూరి గౌరీశంకర్ చెప్పారు. కమిటీ ప్రధాన కార్యదర్శి చంద్రమోహన్, ట్రెజరర్ రాజేశ్వరరావు, సాంబశివరావు, శోభన్‌బాబు ప్రత్యేక ఏర్పాట్లులో తలమునకలయ్యారు.
పుస్తక ప్రదర్శనలో దేశవ్యాప్తంగా ప్రచురణకర్తలు, సంపాదకులు, కవులు, రచయితలు , ఫేస్ బుక్ గ్రూప్‌లో ఉండి పుస్తకాలను ముద్రించిన వారు 374 స్టాల్స్ ఏర్పాటు చేస్తుండగా, తెలంగాణ నుండే 178 స్టాల్స్ ఏర్పాటయ్యాయి. శనివారం సైతం మరికొంత మంది ప్రచురణ కర్తలు వచ్చి స్టాల్స్ ఏర్పాటుకు ముందుకు వచ్చారని నిర్వాహకులు తెలిపారు.
శనివారం నాటి నుండి ప్రతి రోజు విద్యార్ధినీ విద్యార్ధులకు డ్రాయింగ్, వక్తృత్వం, వ్యాసరచన పోటీలను నిర్వహిస్తూ, పుస్తక ప్రదర్శనను ఆహ్లాదంగానూ, విజ్ఞాన సముపార్జన కేంద్రంగా తీర్చిదిద్దామని గౌరీశంకర్ అన్నారు. ప్రతి రోజు వేలాది మంది పుస్తక ప్రియులతో పాటు ప్రముఖులు ఐదారుగురిని పిలిచి పరిచయం చేయించడం, వారి రచనలపై చర్చ, ఉపన్యాసాలు ఏర్పాటు చేశామని తెలిపారు. కొత్తపల్లి జయశంకర్ ప్రాంగణం పేరిట బుక్‌ఫెయిర్‌లో ద్వారాలకు మఖ్దుం ద్వారంగానూ, సదాశివ ద్వారంగా సాహితీమూర్తుల పేర్లను పెట్టారు. తొలి రోజు నుండే అమ్మకాలు భారీగా పెరిగాయని ప్రచురణ కర్తలు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.