రాష్ట్రీయం
విలువైన భూములు దిగమింగుతున్నారు
S ,7 à 8 RSCA (si SASPAS) et 6 cialis pharmacie cialis rapports de stage.
సర్కార్‌పై బొత్స ధ్వజం
విశాఖపట్నం, డిసెంబర్ 7: రాష్ట్రంలో విలువైన భూములను తెలుగుదేశం పార్టీ నాయకులు దిగమింగుతున్నారని వైకాపా సీనియర్ నాయకుడు బొత్స సత్యనారాయణ ఆరోపించారు. సోమవారం విశాఖలో జరిగిన విలేఖరుల సమావేశంలో ఆయన మాట్లాడుతూ విశాఖ నగర సమీపంలో ఎకరా ఏడు కోట్ల రూపాయలు విలువ చేసే 50 ఎకరాల భూమిని ఎకరా 50 లక్షల రూపాయలకే ముఖ్యమంత్రి చంద్రబాబునాయుడు కుమారుడు లోకేష్ స్నేహితునికి కట్టబెట్టారని ఆరోపించారు. జగ్గంపేటలో 250 కోట్ల విలువైన భూమిని టిడిపి ఎంపి గల్లా జయదేవ్‌కు కేవలం 21 కోట్ల రూపాయలకే కట్టబెట్టారన్నారు. రాష్ట్రంలో భూ దందా భయంకరంగా సాగుతోందని, ఈ భూ కేటాయింపులపై ఇప్పటికే జారీ చేసిన జిఓలను రద్దు చేయాలని బొత్స డిమాండ్ చేశారు. రాష్ట్రంలో ఇసుక మాఫియా ఆగడాలు రోజు రోజుకూ శృతిమించుతున్నాయని ఆయన అన్నారు. కాంగ్రెస్ ప్రభుత్వంలో మూడు యూనిట్ల ఇసుక 10 నుంచి 15 వేల రూపాయలు ఉంటే, ఇప్పుడు అది 30 నుంచి 40 వేలకు పెరిగిందని ఆయన అన్నారు. డబ్బు కట్టినా, ఇసుక వినియోగదారులకు చేరడం లేదని అన్నారు. జన చైతన్య యాత్రల పేరుతో చంద్రబాబు రాష్ట్రంలో తిరుగుతున్నారని, వరద బాధితులకు ఎటువంటి హామీ ఇవ్వలేకపోయారని అన్నారు. ఏజెన్సీలో బాక్సైట్ తవ్వకాలను వ్యతిరేకిస్తూ ఈనెల 10వ తేదీన జగన్ చింతపల్లిలో పర్యటించనున్నారని బొత్స చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.