బిజినెస్
మారుతి సుజుకి దూకుడు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 27: దేశీయ ఆటోరంగ దిగ్గజం మారుతి సుజుకి దూకుడు కొనసాగుతోంది. గత నెల నవంబర్‌లో దేశీయ మార్కెట్‌లో అమ్ముడైన ప్యాసింజర్ వాహనాల్లో టాప్-10 మోడల్స్‌లో ఆరు మారుతి సుజుకికి చెందినవే ఉన్నాయి. మారుతి ఆల్టో ఎప్పటిలాగే తొలి స్థానంలో నిలిచింది. 21,995 యూనిట్లు అమ్ముడైంది. గత ఏడాది నవంబర్‌లో 24,201 యూనిట్లు అమ్ముడైయ్యాయి. రెండో స్థానంలోనూ మారుతి డిజైర్ ఉండగా, ఈ నవంబర్‌లో 15,463 యూనిట్లు, పోయినసారి నవంబర్‌లో 12,020 యూనిట్ల అమ్మకాలు జరిగాయి. మూడో స్థానంలో కూడా మారుతికి చెందిన మోడలే అయిన వాగనార్ ఉంది. ఈసారి 13,986 యూనిట్ల అమ్మితే, క్రిందటిసారి 13,545 యూనిట్లుగా ఉన్నాయి. ఇక నాలుగో స్థానంలో హ్యుందాయ్ గ్రాండ్ ఐ10 నిలిచింది. గతంతో పోల్చితే 8,396 యూనిట్ల నుంచి 12,899 యూనిట్లకు గ్రాండ్ ఐ10 అమ్మకాలు పెరిగాయి. ఐదో స్థానంలో మారుతి స్విఫ్ట్ ఉండగా, క్రిందటిసారితో చూస్తే 17,900 యూనిట్ల నుంచి 11,859 యూనిట్లకు దిగజారాయి. ఆరో స్థానంలో హ్యుందాయ్ ఎలైట్ ఐ20, ఏడో స్థానంలో మారుతి లేటెస్ట్ మోడల్ బాలెనో, ఎనిమిదో స్థానంలో హ్యుందాయ్ ఇయాన్, తొమ్మిదో స్థానంలో మారుతి సెలీరియో, పదో స్థానంలో మహీంద్ర అండ్ మహీంద్ర బొలెరో ఉన్నాయి. గత ఏడాది నవంబర్ అమ్మకాలతో చూస్తే టాప్-10లో ఈసారి హ్యుందాయ్ గ్రాండ్ ఐ10 ఆరో స్థానం నుంచి నాలుగో స్థానానికి ఎగబాకగా, మారుతి స్విఫ్ట్ రెండో స్థానం నుంచి ఐదో స్థానానికి పడిపోయింది. ఇక హోండా పాపులర్ మోడల్ సిటి ఈ ఏడాది నవంబర్‌లో టాప్-10 సెల్లింగ్ మోడల్స్ నుంచి వైదొలిగింది. ఈ మేరకు వివరాలను భారతీయ ఆటోరంగ సమాజం సియామ్ తెలియజేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.