బిజినెస్
ఆర్థిక ఫలితాలపై ఆధారం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 23: దేశీయ స్టాక్ మార్కెట్లు ఈ వారం ప్రముఖ సంస్థలు ప్రకటించే ఆర్థిక ఫలితాలపై ఆధారపడి నడుస్తాయని నిపుణులు అంచనా వేస్తున్నారు. ప్రస్తుత ఆర్థిక సంవత్సరం (2016-17) రెండో త్రైమాసికానికి (జూలై-సెప్టెంబర్)గాను హెచ్‌డిఎఫ్‌సి బ్యాంక్, ఎన్‌టిపిసి, ఐటిసి, మారుతి సుజుకి, అదానీ పవర్, యాక్సిస్ బ్యాంక్, ఐడియా సెల్యులార్, రిలయన్స్ క్యాపిటల్, ఏషియన్ పేయింట్స్, భారతీ ఎయిర్‌టెల్, డాక్టర్ రెడ్డీస్, హెచ్‌డిఎఫ్‌సి, హీరో మోటోకార్ప్, హిందుస్థాన్ యునిలివర్, ఐఒసి, ఒఎన్‌జిసి తదితర సంస్థలు ఈ వారం తమ ఆర్థిక ఫలితాలను ప్రకటించనున్నాయి. ఈ క్రమంలో మదుపరులు తమ పెట్టుబడులపై ఈ సంస్థల ఆర్థిక ఫలితాల ఆధారంగా నిర్ణయం తీసుకుంటారని మెజారిటీ నిపుణులు అభిప్రాయపడుతున్నారు. కాగా, అంతర్జాతీయ స్టాక్ మార్కెట్ల తీరుతెన్నులు, డాలర్‌తో పోల్చితే రూపాయి మారకం విలువ, విదేశీ మదుపరుల పెట్టుబడులు, గ్లోబల్ మార్కెట్‌లో ముడి చమురు ధరలు కూడా ఎప్పట్లాగే భారతీయ స్టాక్ మార్కెట్లను ప్రభావితం చేస్తాయని మార్కెట్ వర్గాలు విశే్లషిస్తున్నాయి. అయితే ఈ నెల డెరివేటివ్ కాంట్రాక్టుల గడువు గురువారంతో ముగిసిపోతుండటంతో సూచీలు ఒడిదుడుకులకు లోనయ్యే వీలుందని కూడా నిపుణులు అంటున్నారు. ‘ఈ వారం కూడా పలు ప్రధాన సంస్థలు తమ జూలై-సెప్టెంబర్ త్రైమాసిక ఆర్థిక ఫలితాలను వెల్లడిస్తున్నాయి. దీంతో మార్కెట్లు వాటి ఆధారంగా నడుస్తాయని చెప్పవచ్చు.’ అని ఆమ్రపాలి ఆద్య ట్రేడింగ్ అండ్ ఇనె్వస్ట్‌మెంట్స్ ప్రైవేట్ లిమిటెడ్ డైరెక్టర్, రిసెర్చ్ అధిపతి అభ్నిశ్ కుమార్ సుధాంశు అన్నారు. ఇక ఈ వారం దేశీయంగా చెప్పుకోదగ్గ అంశాలేమీ లేకపోవడంతో మదుపరుల చూపు అంతర్జాతీయంగా పరిణామాలపై సహజంగానే ఉంటుందని నిపుణులు పేర్కొంటున్నారు. ముఖ్యంగా అమెరికా అధ్యక్ష ఎన్నికల షెడ్యూల్.. భారత స్టాక్ మార్కెట్లతోపాటు ప్రపంచ స్టాక్ మార్కెట్లను ప్రభావితం చేస్తుందని అంటున్నారు. ప్రపంచ ఆర్థిక వ్యవస్థకు పెద్దన్నగా భావించే అమెరికాకు అధ్యక్షుడి ఎన్నిక ప్రపంచ దేశాలపై తప్పక ఉంటుందని సుధాంశు అన్నారు. కాగా, గత వారం బాంబే స్టాక్ ఎక్స్‌చేంజ్ సూచీ సెనె్సక్స్ 403.58 పాయింట్లు పెరిగితే, నేషనల్ స్టాక్ ఎక్స్‌చేంజ్ సూచీ నిఫ్టీ 109.65 పాయింట్లు లాభపడినది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.