బిజినెస్
రామదొరైకి టాటా సన్స్ పగ్గాలు?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 1: టాటా గ్రూప్ సీనియర్ ఉద్యోగి ఎస్ రామదొరై.. ప్రభుత్వ నైపుణ్యాభివృద్ధి సంస్థలైన ఎన్‌ఎస్‌డిఎ, ఎన్‌ఎస్‌డిసిల చైర్మన్‌గా తప్పుకున్నారు. టాటా సన్స్ సంక్షోభం నేపథ్యంలో రామదొరై రాజీనామా కొత్త ఊహాగానాలకు తెరలేపుతుండగా, మిస్ర్తి స్థానంలో ఆయన టాటా గ్రూప్‌నకు సారథిగా వ్యవహరించే అవకాశాలు పుష్కలంగా కనిపిస్తున్నాయి. ఇక 71 ఏళ్ల రామదొరై తాజా పదవుల రాజీనామాలను ప్రధాన మంత్రి నరేంద్ర మోదీ ఆమోదించారని సన్నిహిత వర్గాల సమాచారం. అయితే టాటా సన్స్ నాయకత్వ బాధ్యతల కోసమే రామదొరై ఈ నిర్ణయానికి వచ్చినట్లు తెలుస్తోంది. రామదొరై.. 2013 మే నెలలో ఎన్‌ఎస్‌డిఎ, ఎన్‌ఎస్‌డిసిల చైర్మన్‌గా కేబినెట్ హోదాతో నియమితులయ్యారు. రాజీనామ నేపథ్యంలో సైరస్ మిస్ర్తి ఉద్వాసనతో ఖాళీ అయిన టాటా సన్స్ చైర్మన్ పదవిని భర్తీ చేసేందుకు ఎంపికైన కమిటీ రామదొరై వైపు చూస్తోందన్న సంకేతాలు కనిపిస్తున్నాయి. మరోవైపు దీనిపై స్పందించేందుకు రామదొరై అందుబాటులో లేకుండగా, అనారోగ్య కారణాల దృష్ట్యా నే ఎన్‌ఎస్‌డిఎ, ఎన్‌ఎస్‌డిసి చైర్మన్ పదవికి రాజీనామా చేసినట్లు ఆయన సన్నిహిత వర్గాలు చెబుతున్నాయి. ఇక టాటా సంస్థల బోర్డుల నుంచి ఎన్‌ఎస్ రాజన్, నిర్మల్య కుమార్ తప్పుకున్నారు. ఇండియన్ హోటల్స్ కంపెనీ నాన్-ఎగ్జిక్యూటివ్ డైరెక్టర్‌గా రాజన్ రాజీనామా చేస్తే, టాటా కెమికల్స్ నాన్-ఎగ్జిక్యూటివ్ డైరెక్టర్‌గా నిర్మల్య కుమా ర్ రాజీనామా చేశారు. ఈ మేరకు ఇరు సంస్థలు మంగళవారం బిఎస్‌ఇకి తెలియజేశాయి. రాజన్ రాజీనామా అక్టోబర్ 28 నుంచి, నిర్మల్య కుమార్ రాజీనామా అక్టోబర్ 31 నుంచి అమల్లోకి వస్తాయని ఆయా సంస్థలు స్పష్టం చేశాయి.
గ్రూప్ ప్రయోజనాల కోసమే మిస్ర్తికి ఉద్వాసన
ముంబయి: టాటా సన్స్ చైర్మన్‌గా సైరస్ మిస్ర్తికి ఉద్వాసన పలకడంపై టాటా గ్రూప్ తాత్కాలిక చైర్మన్ రతన్ టాటా స్పందించారు. గ్రూప్‌లోని 100కుపైగా సంస్థల ప్రయోజనాల కోసమే మిస్ర్తిని తొలగించాల్సి వచ్చిందని ఉద్యోగులకు రాసిన లేఖలో మంగళవారం రతన్ టాటా పేర్కొన్నారు. టాటా గ్రూప్ భవిష్యత్తులో విజయపథంలో పయనించాలంటే మిస్ర్తికి గుడ్‌బై చెప్పడం చాలా అవసరమని నొక్కిచెప్పారు. డొకొమో వ్యవహారంలో సొంత నిర్ణయాలకు దిగానన్నది నిజం కాదంటూ మిస్ర్తి తన వాదనను వినిపించిన కాసేపటికే టాటా లేఖ బయటకు వచ్చింది.
రామదొరై
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.