బిజినెస్
స్వల్ప నష్టాల్లో దేశీయ స్టాక్ మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జనవరి 4: దేశీయ స్టాక్ మార్కెట్లు బుధవారం స్వల్పంగా నష్టపోయాయి. ఐరోపా మార్కెట్లలో నెలకొన్న మందగమనం మధ్య విదేశీ మదుపరులు అమ్మకాల ఒత్తిడికి లోనయ్యారు. ఈ క్రమంలోనే ఆరంభంలో భారతీయ సూచీలు లాభాల్లోనే కదలాడినప్పటికీ, మార్కెట్ ముగిసే సమయం దగ్గరపడుతున్నకొద్దీ నష్టాలు తప్పలేదు. దీంతో బాంబే స్టాక్ ఎక్స్‌చేంజ్ సూచీ సెనె్సక్స్ 10.11 పాయింట్లు కోల్పోయి 26,633.13 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 1.75 పాయింట్లు చేజార్చుకుని 8,190.50 వద్ద స్థిరపడింది. ఆసియా మార్కెట్లలోనూ హాంకాంగ్ సూచీ నష్టపోగా, జపాన్, చైనా సూచీలు మాత్రం లాభపడ్డాయి. ఐరోపా మార్కెట్లలో ప్రధాన సూచీలైన జర్మనీ, ఫ్రాన్స్, బ్రిటన్‌లు నష్టపోయాయి.
హైదరాబాద్‌లో
సరకు రవాణాకు ఆన్‌లైన్ వేదిక
ఆంధ్రభూమి బ్యూరో
హైదరాబాద్, జనవరి 4: ఆన్‌లైన్ వేదికగా సరకు రవాణా సేవలు అందిస్తున్న లోడ్ 24/7.. తమ సేవలను హైదరాబాద్‌కు విస్తరించింది. ఆ సంస్థ డైరెక్టర్ లోకేష్ కుమార్ గుప్తా ఈ మేరకు బుధవారం ఇక్కడ చెప్పారు. హైదరాబాద్ నుంచి తమకు నెలకు 400 నుంచి 500 ఆర్డర్లు వస్తున్నాయన్నారు. దీంతో హైదరాబాద్‌కు సేవలను విస్తరించామని, అయతే పూర్తిస్థాయిలో ఈ ఏడాది జూన్ నుంచి ఇక్కడ కార్యకలాపాలను ప్రారంభించనున్నట్లు చెప్పారు. తమ సంస్థ రవాణాదారులు, సరకుల యజమానుల అవసరాలను దృష్టిలో పెట్టుకుని ఎండ్ టు ఎండ్ అవసరాలను భర్తీ చేస్తున్నామన్నారు. వినియోగదారుల వస్తువులను వేరే చోటికి తరలించే సదుపాయంతోపాటు, వాటిని ప్యాకింగ్ చేసే సదుపాయాన్ని ప్యాకర్స్ అండ్ మూవర్స్ ఆప్షన్ ద్వారా పొందవచ్చన్నారు. ప్రస్తుతం తమ ఆన్‌లైన్ వేదిక.. దేశంలోని 20 వేల రిజిస్టర్డ్ మొబైల్ వినియోగదారులు, 50 వేల ట్రాన్స్‌పోర్టర్లు, 5,100 ప్యాకర్స్ అండ్ మూవర్స్‌ను కలిగి ఉందన్నారు. టిసిఎస్, జిందాల్ వంటి ప్రముఖ సంస్థలు తమ సేవలను వినియోగించుకుంటున్నట్లు ఆయన చెప్పారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.