బిజినెస్
బజాజ్-కవాసాకి బంధానికి తెర
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 25: భారతీయ ఆటో రంగంలో బజాజ్-కవాసాకి బంధానికి తెరపడుతోంది. దశాబ్దకాలం దోస్తీకి ఈ ఆటో దిగ్గజాలు వచ్చే నెలతో గుడ్‌బై చెబుతున్నాయి. దేశీయంగా అమ్మకాలు, సేవలకు సంబంధించి జపాన్‌కు చెందిన కవాసాకితో బజాజ్ భాగస్వామ్యం ఏప్రిల్ 1 నుంచి రద్దయిపోతోంది. పరస్పర అంగీకారంతో ఇందుకు ఇరు సంస్థలు సమ్మతించాయని శనివారం ఓ ప్రకటనలో బజాజ్ ఆటో అధ్యక్షుడు (ప్రోబైకింగ్) అమిత్ నంది స్పష్టం చేశారు. పుణెకు చెందిన బజాజ్ ఆటో.. ఆస్ట్రియాకు చెందిన కెటిఎమ్ సంస్థతో జట్టు కట్టినది తెలిసిందే. ప్రోబైకింగ్ ఔట్‌లెట్లలోనే కవాసాకి బైకులతోపాటు కెటిఎమ్ బైకులనూ బజాజ్ అమ్ముతోంది. అయితే కెటిఎమ్ వెంచర్ బలోపేతంపై బజాజ్ ఆటో దృష్టి పెట్టాలని నిర్ణయించుకుంది. దీంతోనే కవాసాకి జాయింట్ వెంచర్‌కు వీడ్కోలు చెబుతోంది. మరోవైపు భారత్‌లో ఇకపై కవాసాకి మోటార్‌సైకిళ్ల అమ్మకాలు ఇండియా కవాసాకి మోటార్స్ ప్రైవేట్ లిమిటెడ్ ద్వారా జరగనున్నాయి. జపాన్‌లోని తమ మాతృ సంస్థ కవాసాకి హెవీ ఇండస్ట్రీస్‌కు చెందిన పూర్తిస్థాయి భారతీయ అనుబంధ సంస్థ ఇది. దేశవ్యాప్తంగా డీలర్‌షిప్ నెట్‌వర్క్‌నూ ఇది విస్తరించుకుంది. నిజానికి ఇది 2010 జూలైలోనే ఏర్పాటైంది. బజాజ్-కవాసాకి కూటమి విమోచనంతో ఇకపై కవాసాకి మోటార్స్ ప్రైవేట్ లిమిటెడ్ తెరపైకి రానుంది. కాగా, బజాజ్-కవాసాకి వెంచర్‌లో అమ్ముడైన పాత వాహనాలకూ తాము సర్వీస్ చేస్తామని కవాసాకి మెటార్స్ తెలిపింది. ఇదిలావుంటే ప్రస్తుత, భవిష్యత్ వ్యాపారాల కోసం ప్రపంచవ్యాప్తంగా బజాజ్-కవాసాకి సహకార బాంధవ్యం కొనసాగుతుందని అమిత్ నంది అన్నారు. 2009లో తమ ప్రోబైకింగ్ నెట్‌వర్క్ ద్వారా కవాసాకి మోటార్‌సైకిళ్ల అమ్మకాలు, ఆ తర్వాతి సేవలను నిర్వహించడం కోసం కవాసాకితో కలిసి బజాజ్ ఆటో ఓ కూటమిని ఏర్పాటు చేసింది. అయితే ఇప్పుడిక కెటిఎమ్ డీలర్‌షిప్‌లకు తమ ప్రోబైకింగ్ నెట్‌వర్క్‌ను అనుసంధానిస్తామని అమిత్ నంది చెప్పారు. 200 డ్యూక్ మోడల్‌తో 2012లో బజాజ్-కెటిఎమ్ భాగస్వామ్యం మొదలైంది. గడచిన ఐదేళ్లలో కెటిఎమ్.. 48 శాతం సిఎజిఆర్‌ను సాధించిందని, ఈ ఆర్థిక సంవత్సరం (2016-17)లో కెటిఎమ్ బైక్స్ అమ్మకాలు 37 వేల యూనిట్లుగా ఉంటాయని అంచనా వేస్తున్నట్లు నంది తెలిపారు. అయితే దేశవ్యాప్తంగా 300లకుపైగా కెటిఎమ్ డీలర్‌షిప్‌లలో ఐదు ఎస్‌కెయుల ద్వారానే ప్రస్తుతం డ్యూక్, ఆర్‌సి మోడల్స్ బైకులు అందుబాటులో ఉన్నాయన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.