బిజినెస్
వేతనాల చెల్లింపులో ఎఫ్‌ఎంసిజి టాప్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 6: ఎఫ్‌ఎంసిజి పరిశ్రమ దేశంలో అత్యధిక వేతనాలు చెల్లించే రంగంగా నిలిచింది. ఈ రంగంలో అన్ని స్థాయిలు, విభాగాల్లో సగటు వార్షిక వేతనం 11.3 లక్షల రూపాయలుగా ఉంటోందని ఓ సర్వే వెల్లడించింది. టీవీలు, ఫ్రిజ్‌లు లాంటి ఎలక్ట్రానిక్ వస్తువులు, గృహోపకరణాలకు చెందిన ఈ రంగంలో సేల్స్, మార్కెటింగ్, ఔప్లై చైన్ మేనేజిమెంట్ విభాగాల్లో అన్ని అర్హతలు కలిగిన సిబ్బంది అవసరం కావడం, అలాగే 10 లక్షలకు పైగా కేటగిరీల్లో మొత్తం ఉద్యోగాల్లో దాదాపు 30 శాతం దాకా ఉద్యోగావకాశాలు ఉండడం ఎఫ్‌ఎంసిజి రంగం అత్యధిక వేతనాలు చెల్లించే రంగంగా నిలవడానికి ప్రధాన కారణంగా ఉంటోంది.
కాగా, ఎఫ్‌ఎంసిజి తర్వాత రెండు, మూడు స్థానాల్లో ఐటి, విద్యుత్ రంగాలు ఉన్నాయి. ఈ రంగాల్లో అన్ని స్థాయిలు, బాధ్యతల ఉద్యోగుల సగటు వేతనం ఏడాదికి రూ. 9.8 లక్షలు, రూ. 9.3 లక్షలుగా ఉందని ‘రాండ్‌స్టాండ్’ 2017 సంవత్సరపువేతనాల ధోరణులపై విడుదల చేసిన నివేదిక పేర్కొంది. ఇక ఫార్మా, వైద్య సేవల రంగంలో సగటు వార్షిక వేతనాలు రూ.8.8 లక్షలుగా ఉండగా, టెలికాం రంగంలో రూ.8.7 లక్షలుగా ఉందని, దేశంలో ఈ అయిదు రంగాలు అత్యంత ఆకర్షణీయమైన రంగాలుగా ఉన్నాయని ఆ నివేదిక వెల్లడించింది. సమర్థులైన వ్యక్తులను ఆకర్షించడానికి, సంస్థల్లో ఉద్యోగులు కొనసాగేలా చూడడానికి సరయిన వేతనాలు అవసరమైన విషయాన్ని ప్రస్తుతం పరిశ్రమల రంగం గుర్తించిందని, అందువల్ల మార్కెట్లో ఇప్పుడున్న వేతనాల ట్రెండ్‌లను నిశితంగా పరిశీలిస్తూ ఎప్పటికప్పుడు అవసరమైన మార్పులు చేసుకోవలసిన అవసరం ఉందని రాండ్‌స్టాడ్ ఇండియా ఎండి, సిఈఓ మూర్తి కె ఉప్పులూరి అభిప్రాయ పడ్డారు.
ఇక ప్రాంతాల వారీగా వేతనాల విషయానికి వస్తే ఐటి రాజధాని బెంగళూరు ఈ జాబితాలో అగ్రస్థానంలో ఉంది. ఇక్కడ అన్ని స్థాయిలలో, విభాగాల్లో సగటున చెల్లించే వార్షిక వేతనం రూ. 14.6 లక్షలుగా ఉంటోంది. కాగా, ఆర్థిక రాజధాని ముంబయి రూ. 14.2 లక్షల సగటు వార్షిక వేతనంతో రెండో స్థానంలో ఉండగా, రూ.13.6 లక్షల వేతనంతో హైదరాబాద్ మూడో స్థానంలో ఉంది. ఢిల్లీ(ఎన్‌సిఆర్) చెన్నై, పుణె, కోల్‌కతా నగరాలు వరసగా ఆ తర్వాతి స్థానాల్లో ఉన్నాయి.
అంతేకాదు, మిగతా రంగాలతో పోలిస్తే ప్రస్తుతం మార్కెట్లో మిగతా వారికన్నా ఎక్కువ డిమాండ్ ఉండే ‘హాట్ జాబ్స్’లను కూడా ఈ అధ్యయనం పేర్కొంది. దాదాపు 20 పరిశ్రమల్లో 15 రకాల ముఖ్యమైన కార్యకలాపాల్లో పని చేసే దాదాపు లక్ష మంది ఉద్యోగుల వేతనాలను విశే్లషించి రాండ్‌స్టాడ్ సర్వే ఈ నివేదికను రూపొందించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.