బిజినెస్
నిఫ్టీ సరికొత్త రికార్డు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 25: దేశీయ స్టాక్ మార్కెట్లు మంగళవారం కూడా లాభాల్లోనే ముగిశాయి. అంతర్జాతీయ మార్కెట్ల నుంచి సానుకూల సంకేతాలు, ముకేశ్ అంబానీ నేతృత్వంలోని రిలయన్స్ ఇండస్ట్రీస్ లిమిటెడ్ (ఆర్‌ఐఎల్) లాభాలు మదుపరులను కొనుగోళ్ల దిశగా నడిపించాయి. ఫలితంగా సూచీలు పరుగులు పెట్టగా, మూడు వారాల గరిష్ఠ స్థాయిని అందుకున్నాయి. ఇక నేషనల్ స్టాక్ ఎక్స్‌చేంజ్ సూచీ నిఫ్టీ ఆల్‌టైమ్ హైకి చేరింది. తొలిసారిగా 9,300 మార్కును అధిగమించింది. 88.65 పాయింట్ల లాభంతో 9,306.60 వద్ద నిలిచింది. దీంతో ఈ నెల 5న నమోదైన 9,265.15 పాయింట్ల ఆల్‌టైమ్ రికార్డు చెరిగిపోయినట్లైంది. ఇక మంగళవారం ట్రేడింగ్‌లో ఒక దశలో 9,309.20 పాయింట్లను తాకింది. దీంతో ఏప్రిల్ 5 నాటి 9,273.90 పాయింట్ల ఇంట్రా-డే రికార్డు కూడా కనుమరుగైపోయింది. మరోవైపు బాంబే స్టాక్ ఎక్స్‌చేంజ్ సూచీ సెనె్సక్స్ సైతం 30 వేల దరిదాపుల్లోకి వెళ్లింది. 287.40 పాయింట్లు ఎగిసి 29,943.24 వద్ద స్థిరపడింది. మంగళవారం ట్రేడింగ్‌లో సెనె్సక్స్ గరిష్ఠ స్థాయి 29,961.82 పాయింట్లవగా, కనిష్ట స్థాయి 29,780.84 పాయింట్లు. సోమవారం కూడా సెనె్సక్స్ 290.54 పాయింట్లు ఎగబాకగా, నిఫ్టీ 98.55 పాయింట్లు ఎగిసింది. కాగా, డాలర్‌తో పోల్చితే రూపాయి మారకం విలువ 21 నెలల గరిష్ఠాన్ని తాకడం కూడా మదుపరులను పెట్టుబడుల వైపు నడిపించింది. మంగళవారం ఫారెక్స్ ట్రేడింగ్‌లో 18 పైసలు బలపడి 64.26 స్థాయికి చేరింది రూపాయి విలువ. ఎగుమతిదారులు, కార్పొరేట్లు డాలర్లను అమ్మకానికి పెట్టారు. ఇకపోతే టెలికామ్, ఎఫ్‌ఎమ్‌సిజి, రియల్టీ, చమురు, గ్యాస్, ఎనర్జీ, ఫైనాన్స్, ఆటో, బ్యాంకింగ్ రంగాల షేర్లు మదుపరులను ఆకట్టుకున్నాయి. ముఖ్యంగా ఈ జనవరి-మార్చిలో రిలయన్స్ లాభం రికార్డు స్థాయిలో 8,046 కోట్ల రూపాయలుగా నమోదు కావడంతో మదుపరులు ఆ సంస్థ షేర్ల కొనుగోలుకు అమితాసక్తిని కనబరిచారు. దీంతో రిలయన్స్ మార్కెట్ విలువ మరో 5,242.44 కోట్ల రూపాయలు ఎగిసింది. సోమవారం కూడా పెరగగా, దేశీయ ఐటి రంగ దిగ్గజం టిసిఎస్‌ను వెనక్కినెట్టి మార్కెట్ లీడర్‌గా అవతరించినది తెలిసిందే. మంగళవారం టిసిఎస్ షేర్ల విలువ 0.76 శాతం క్షీణించింది. మరోవైపు బయోకాన్ మార్కెట్ విలువ సైతం 1,994 కోట్ల రూపాయలు పెరిగింది. ఇక అంతర్జాతీయంగా ఆసియా మార్కెట్లలో చైనా, హాంకాంగ్, జపాన్, సింగపూర్, దక్షిణ కొరియా, తైవాన్ సూచీలు లాభాల్లో ముగిశాయి. ఐరోపా మార్కెట్లలోనూ ప్రధానమైన ఫ్రాన్స్, జర్మనీ, బ్రిటన్ సూచీలు లాభాలను అందుకున్నాయి. అమెరికా స్టాక్ మార్కెట్లూ లాభాల్లోనే పయనించాయి. నాస్‌డాక్ తొలిసారిగా 6,000 పాయింట్లను అధిగమించింది. 6,008.62 వద్ద స్థిరపడింది.
రికార్డుస్థాయికి
బిఎస్‌ఇ మార్కెట్ విలువ
మరోవైపు తాజా లాభాల నేపథ్యంలో బిఎస్‌ఇ మార్కెట్ విలువ రికార్డు స్థాయికి చేరింది. 125 లక్షల కోట్ల రూపాయలకుపైగా నమోదైంది. టెలికామ్, ఎఫ్‌ఎమ్‌సిజి, రియల్టీ, రంగాల షేర్లు మదుపరులను ఆకట్టుకోవడంతో సూచీ భారీ లాభాల దిశగా పరుగులు పెట్టింది. ఫలితంగా బిఎస్‌ఇలోని సంస్థల విలువ 1,25,53,561 కోట్ల రూపాయలకు చేరింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.