బిజినెస్
షిప్‌యార్డును ఆర్థికంగా బలపరుస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, మే 17: విశాఖలోని హిందుస్థాన్ షిప్‌యార్డు ఆర్థిక పునర్వ్యవస్థీకరణకు చర్యలు తీసుకుంటామని కేంద్ర శాస్త్ర, సాంకేతిక శాఖ మంత్రి సుజనా చౌదరి చెప్పారు. బుధవారం ఎంపీలు కొనకళ్ల నాగేశ్వరరావు, అవంతి శ్రీనివాసరావు, హరిబాబు, ఎమ్మెల్యే పల్లా శ్రీనివాసరావుతో కలిసి షిప్‌యార్డును చౌదరి సందర్శించారు.
ఆ తరువాత ఏర్పాటు చేసిన విలేఖరుల సమావేశంలో మాట్లాడుతూ కేంద్రం నుంచి ప్రత్యేక ఆర్థిక సదుపాయం షిప్‌యార్డుకు అక్కర్లేదని, ఆర్థిక పునర్వ్యవస్థీకరణ చేస్తే సరిపోతుందన్నారు. ఇందుకు తాను కేంద్రంతో మాట్లాడతానని చెప్పారు. దీనివలన స్వల్ప ఆర్థిక ఇబ్బందుల్లో ఉన్న షిప్‌యార్డు కోలుకుంటుందని, దేశంలోని మిగిలిన షిప్‌యార్డులతో పోటీపడే సత్తా వస్తుందని అన్నారు.
ఫలితంగా ఆర్డర్స్ కూడా పెరిగే అవకాశం ఉందని ఆయన తెలియచేశారు. అలాగే తన శాఖకు రీసెర్చ్ అండ్ డవలప్‌మెంట్ కోసం కొన్ని నౌకలు నిర్మించాల్సిన అవసరం ఉందని వీటి నిర్మాణ బాధ్యత ఈ షిప్‌యార్డుకు అప్పగించే అవకాశం ఉందని మంత్రి సుజనా తెలియచేశారు. హిందుస్థాన్ షిప్‌యార్డు ఒక వజ్రమని, దాన్ని పూర్తి స్థాయిలో వినయోగించుకోవల్సిన అవసరం ఉందని అభిప్రాయ పడ్డారు. కాగా, ఈ షిప్‌యార్డులో స్థానిక యువకులకు ఉద్యోగావకాశాలు కల్పించాలని ముఖ్యమంత్రి చంద్రబాబును కోరతామని ఆయన చెప్పారు.
ఇందుకు యువకులకు స్కిల్ డెవలప్‌మెంట్‌లో శిక్షణ ఇస్తామని ఆయన తెలియచేశారు. మంత్రి వెంట షిప్‌యార్డు సిఎండి రియర్ అడ్మిరల్ ఎల్‌వి శరత్ బాబు తదితరులు ఉన్నారు.
విలేఖరులతో మాట్లాడుతున్న కేంద్ర మంత్రి సుజనా చౌదరి
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.