బిజినెస్
అంతంతమాత్రంగానే ఐటి సంస్థల ఆదాయం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 10: భారతీయ ఐటి సంస్థల ఆదాయం ఈ ఆర్థిక సంవత్సరం (2015-16) మూడో త్రైమాసికం (అక్టోబర్-డిసెంబర్)లో పడిపోయే అవకాశాలు కనిపిస్తున్నాయి. చెన్నై వరదలు, అమెరికా, ఐరోపా మార్కెట్లలో ప్రతికూల పరిస్థితులే ఇందుకు కారణమని నిపుణులు చెబుతున్నారు. నిజానికి అక్టోబర్-డిసెంబర్ త్రైమాసికంలో భారతీయ ఐటి సంస్థల ఆదాయం తక్కువగానే ఉంటుందని, అయితే చెన్నై వరదల కారణంగా ఈసారి మరింతగా పడిపోయే వీలుందని వారు విశే్లషిస్తున్నారు. దేశీయ ఐటి సంస్థల ఆదాయంలో సుమారు 85 శాతం వాటా కలిగిన అమెరికా, ఐరోపా మార్కెట్లలో క్రిస్మస్, కొత్త సంవత్సరం సెలవులు ఆదాయానికి గండి కొడుతున్నాయన్నారు. ఈ క్రమంలో చెన్నై వరదలు దాదాపు వారం రోజులపాటు ఐటి సంస్థల కార్యకలాపాలకు అంతరాయం కలిగించాయన్నారు. గడచిన వందేళ్లలో ఎన్నడూ లేనంతగా చెన్నై నగరాన్ని వరదలు ముంచెత్తినది తెలిసిందే. దీంతో అక్కడి జనజీవనం వ్యాపార, వాణిజ్య కార్యకలాపాలు స్తంభించిపోయాయి. ఇన్ఫోసిస్ తదితర సంస్థల్లోకి వరదనీరు రాగా, ఉద్యోగులు ఎక్కడివారక్కడే ఇరుక్కుపోయారు. కాగా, ఈ నెల 12న టిసిఎస్ తమ అక్టోబర్-డిసెంబర్ ఆర్థిక ఫలితాలను ప్రకటించనుండగా, ఆ తర్వాత ఇన్ఫోసిస్ (14న), విప్రో (18న), హెచ్‌సిఎల్ టెక్నాలజీస్ (19న) విడుదల చేయనున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.