బిజినెస్
స్టాక్ మార్కెట్లకు చమురు సెగ
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: దేశీయ స్టాక్ మార్కెట్లు అమ్మకాల ఒత్తిడిలో నుంచి బయటకు రాలేకపోతున్నాయి. ఈ వారం లో వరుసగా మూడోరోజు నష్టాలకే పరిమితమవగా, బుధవారం బాంబే స్టాక్ ఎక్స్‌చేంజ్ సూచీ సెనె్సక్స్ 315.68 పాయింట్లు పతనమై 24,223.32 వద్ద ముగిసింది. నేషనల్ స్టాక్ ఎక్స్‌చేంజ్ సూచీ నిఫ్టీ సైతం 93.75 పాయింట్లు క్షీణించి 7,361.80 వద్ద స్థిరపడింది. అంతర్జాతీయ మార్కెట్‌లో ముడి చమురు ధరలు మళ్లీ పడిపోవడంతో గ్లోబల్ స్టాక్ మార్కెట్ల నష్టాల మధ్య విదేశీ మదుపరుల నుంచి పెట్టుబడులు తగ్గుముఖం పట్టాయి. ఫలితంగా దేశీయ స్టాక్ మార్కెట్లలో వరుస నష్టాలు కొనసాగాయి. నిజానికి జనవరి నెలకుగాను పిఎమ్‌ఐ సర్వేలో భారతీయ సేవ రంగ కార్యకలాపాలు 19 నెలల గరిష్ఠాన్ని తాకినప్పటికీ, ఇది మార్కెట్ సెంటిమెంట్‌ను పెంచలేకపోయింది. విద్యుత్, క్యాపిటల్ గూడ్స్, రియల్టీ, ఇన్‌ఫ్రా, మెటల్, పిఎస్‌యు, బ్యాంకింగ్, ఆటో, చమురు, గ్యాస్ రంగాల షేర్ల విలువ 4.16 శాతం నుంచి 1.58 శాతం దిగజారింది. బిఎస్‌ఇ స్మాల్-క్యాప్ 2.25 శాతం, మిడ్-క్యాప్ 1.30 శాతం పడిపోయాయి. మరోవైపు అంతర్జాతీయంగా దాదాపు అన్ని దేశాల స్టాక్ మార్కెట్లు బుధవారం భారీ నష్టాల్లో కూరుకుపోయాయి. ఆసియా మార్కెట్లలో జపాన్ సూచీ 3.2 శాతం పడిపోగా, హాంకాంగ్, సింగపూర్, తైవాన్, దక్షిణ కొరియా, చైనా సూచీలు 2.3 శాతం నుంచి 0.4 శాతం దిగజారాయి. ఐరోపా మార్కెట్లలో జర్మనీ, బ్రిటన్, ఫ్రాన్స్ సూచీలు కూడా 1.2 శాతం నుంచి 0.5 శాతం వరకు నష్టపోయాయి. అటు అమెరికా స్టాక్ మార్కెట్ సైతం 0.2 శాతం మేర పడిపోయింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.