బిజినెస్
ఎన్‌ఐఐఎఫ్‌లో పెట్టుబడులు పెట్టండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: విదేశీ పెట్టుబడులను ఆకర్షించడంపై దృష్టి సారించిన కేంద్ర ప్రభుత్వం.. ఇప్పుడు అరబ్ దేశాల నుంచి పెట్టుబడులను ఒడిసి పట్టుకోవాలని చూస్తోంది. ఇందులోభాగంగానే భారత తొలి సావరిన్ వెల్త్ ఫండైన నేషనల్ ఇనె్వస్ట్‌మెంట్ అండ్ ఇన్‌ఫ్రాస్ట్రక్చర్ ఫండ్ (ఎన్‌ఐఐఎఫ్)లో పెట్టుబడులు పెట్టాలని ప్రస్తుతం భారత్‌లో పర్యటిస్తున్న యునైటెడ్ అరబ్ ఎమిరేట్స్ (యుఎఇ) ఆర్థిక మంత్రి సుల్తాన్ అల్ మన్సూరీని కేంద్ర ఆర్థిక శాఖ మంత్రి అరుణ్ జైట్లీ కోరారు. బుధవారం ఇక్కడ జైట్లీని మన్సూరీ కలిశారు. ఈ సందర్భంగా జరిగిన సమావేశంలో ఇరుదేశాల ఆర్థిక మంత్రులు.. చిన్న, మధ్యతరహా సంస్థల్లో పరస్పర సహకారాన్ని పెంచుకోవాల్సిన అవసరముందని అభిప్రాయపడ్డారు. ఈ మేరకు ఓ ప్రకటనలో కేంద్ర ఆర్థిక మంత్రిత్వ శాఖ తెలియజేసింది. ఈ క్రమంలోనే ఎన్‌ఐఐఎఫ్‌లో గల్ఫ్ దేశాల మదుపరులు పెట్టుబడులు పెట్టవచ్చన్నారు. మరెన్నో రంగాల్లో పెట్టుబడులకు అద్భుత అవకాశాలున్నాయన్నారు. దీనిపై మన్సూరీ స్పందిస్తూ భారత వౌలిక తదితర రంగాల్లోకి ఇప్పటికే గల్ఫ్ పెట్టుబడులు వచ్చినట్లు గుర్తుచేశారు. 40,000 కోట్ల రూపాయలతో ఏర్పాటు చేస్తున్న ఎన్‌ఐఐఎఫ్‌లో కేంద్ర ప్రభుత్వానికి 49 శాతం వాటా ఉంటుంది. మిగతా వాటా ప్రైవేట్‌రంగ మదుపరులకుంటుంది. ఇదిలావుంటే అంతర్జాతీయ మార్కెట్‌లో ముడి చమురు ధరల్లో చోటుచేసుకుంటున్న తీవ్ర ఒడిదుడుకుల నుంచి తట్టుకునేందుకు భారత్ నిర్మిస్తున్న వ్యూహాత్మక నిల్వ కేంద్రాల్లో ముడి చమురును నిల్వ చేసేందుకు యుఎఇ ప్రభుత్వ చమురు సంస్థ అడ్నాక్ అంగీకరించింది. ఆంధ్రప్రదేశ్‌లోని విశాఖపట్నం, కర్నాటకలోని మంగళూరు, పడూర్‌లలో 5.33 మిలియన్ టన్నుల ముడి చమురు నిల్వ సామర్థ్యం కలిగిన భూగర్భ స్టోరేజీలను నిర్మిస్తోంది. భారత ఇంధన అవసరాల్లో 79 శాతం దిగుమతుల ద్వారానే తీరుతున్నది తెలిసిందే.
చిత్రం.. కేంద్ర ఆర్థిక మంత్రి అరుణ్ జైట్లీతో సమావేశమైన
యునైటెడ్ అరబ్ ఎమిరేట్స్ ఆర్థిక మంత్రి సుల్తాన్
అల్ మన్సూరీ
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.