బిజినెస్
మదుపరుల సంపదలో రూ. 14 లక్షల కోట్లు ఆవిరి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: జాతీయ, అంతర్జాతీయ ప్రతికూల పరిణామాల మధ్య దేశీయ స్టాక్ మార్కెట్లు తీవ్ర ఒడిదుడుకులకు లోనవుతుంటే.. మదుపరుల సంపద లక్షల కోట్ల రూపాయల్లో ఆవిరవుతోంది. గడచిన ఏడాది కాలంలో బాంబే స్టాక్ ఎక్స్‌చేంజ్‌లోని సంస్థలు కోల్పోయినది దాదాపు 14 లక్షల కోట్ల రూపాయలు. ఇంకా కచ్ఛితంగా చెప్పాలంటే ఆయా సంస్థల షేర్లలో పెట్టుబడులు పెట్టిన మదుపరులు నెలకు లక్ష కోట్ల రూపాయలపైనే నష్టపోయారు. గత ఏడాది మార్చి 4న బిఎస్‌ఇ సూచీ సెనె్సక్స్ 30,024.74 వద్ద ఉంటే, ప్రస్తుతం 24,646 వద్ద ఉంది. అంటే సరిగ్గా ఈ ఏడాది కాలంలో సెనె్సక్స్ 5,378 పాయింట్లు క్షీణించింది. దీంతో మదుపరుల సంపద 13.82 లక్షల కోట్ల రూపాయలు దిగజారింది. ఫలితంగా బిఎస్‌ఇ సంస్థల మార్కెట్ విలువ 100 లక్షల కోట్ల రూపాయల మార్కుకు దిగువన 91.56 లక్షల కోట్ల రూపాయల వద్దకు పడిపోయింది. ఈ ఏడాది కాలంలో సెనె్సక్స్ గరిష్ఠ స్థాయి 30,024.74 పాయింట్లయితే, కనిష్ట స్థాయి ఈ ఏడాది ఫిబ్రవరి 29న నమోదైన 22,494.61 పాయింట్లు. అంతర్జాతీయ మార్కెట్ల కదలికలు, గ్లోబల్ మార్కెట్‌లో ముడి చమురు ధరలు, డాలర్‌తో పోల్చితే రూపాయి మారకం విలువ, ప్రపంచ ఆర్థిక వ్యవస్థపై ఆందోళనలు, చైనా జిడిపి వృద్ధిరేటు పతనం, విదేశీ పోర్ట్ఫోలియో మదుపరుల (ఎఫ్‌పిఐ) పెట్టుబడుల ఉపసంహరణలతోపాటు దేశీయంగా ఆర్థిక సంస్కరణల అమలులో నెలకొన్న ప్రతిష్ఠంభన, ప్రభుత్వ, ప్రైవేట్‌రంగ సంస్థల బలహీన ఆర్థిక ఫలితాలు తదితర అంశాలు భారతీయ స్టాక్ మార్కెట్ల నష్టాలకు కారణమయ్యాయి. ముఖ్యంగా ఎఫ్‌పిఐలు తెచ్చే పెట్టుబడులపైనే దేశీయ స్టాక్ మార్కెట్ల పరుగులు ఆధారపడి ఉన్నాయి. ఈ క్రమంలో ఈ ఏడాది ఆరంభం నుంచి గమనిస్తే ఈ నెల మినహా గత రెండు నెలల్లో ఎఫ్‌పిఐలు 16,647 కోట్ల రూపాయల పెట్టుబడులను వెనక్కి తీసుకున్నారు. గత ఏడాది మొత్తం కూడా కేవలం 18,000 కోట్ల రూపాయల పెట్టుబడులతోనే ఎఫ్‌పిఐలు సరిపెట్టారు. కాగా, అంతర్జాతీయ ఆందోళనలతోపాటు అమల్లోకి రాలేకపోతున్న వస్తు, సేవల పన్ను (జిఎస్‌టి) తదితర కీలక ఆర్థిక బిల్లులతోపాటు ప్రభుత్వరంగ బ్యాంకుల ఉనికినే ప్రశ్నార్థకం చేస్తున్న నిరర్థక ఆస్తులు (మొండి బకాయిలు) మార్కెట్ సెంటిమెంట్‌ను దెబ్బతీస్తున్నాయని నిపుణులు చెబుతున్నారు. గత నెల 11న సెనె్సక్స్ ఏకంగా 807 పాయింట్లు పతనమైనది తెలిసిందే. మదుపరులలో నెలకొన్న భయాలే దీనికి నిదర్శనమని విశే్లషిస్తున్నారు. సెనె్సక్స్‌లో బిహెచ్‌ఇఎల్ సంస్థ విలువ 60 శాతం పడిపోగా, టాటా మోటార్స్ విలువ 40 శాతం, ఎస్‌బిఐ 36 శాతం చొప్పున దిగజారింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.