బిజినెస్
ఆన్‌లైన్‌లో అరకు కాఫీ
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఏప్రిల్ 3: ఆన్‌లైన్‌లో అరకు కాఫీ విక్రయాలకు గిరిజన సహకార సంస్థ రంగం సిద్ధం చేసింది. అరకు కాఫీకి మరింత ప్రచారం తీసుకువచ్చి ఆన్‌లైన్ ద్వారా వినియోగదారులకు చేరవేసేందుకు ప్రణాళిక రూపొందించింది. ఇప్పటికే రిటైల్ సేల్స్, డిస్ట్రిబ్యూషన్ నెట్‌వర్క్ ద్వారా నిర్వహించిన మార్కెటింగ్ ద్వారా రూ.25 లక్షల వ్యాపారం జరిపింది. అలాగే వాల్‌మార్ట్ వంటి కార్పొరేట్ సంస్థలతో భాగస్వామ్యం అయి అరకు కాఫీని దేశీయ మార్కెట్‌లోకి తీసుకువెళ్ళాలని నిర్ణయించింది. గిరిజన సహకార సంస్థ(జిసిసి), ఐటిడిఏ పాడేరు సంయుక్త ఆధ్వర్యంలో చేపట్టిన కాఫీ ప్రాజెక్టు విజయవంతమైంది. భారతదేశంలోనే మరెక్కడా లేని సరికొత్త ప్రయోగానికి జిసిసి శ్రీకారం చుట్టింది. గత ఏడాది డిసెంబర్‌లో ప్రారంభమైన ఈ ప్రాజెక్టు కింద ఇప్పటి వరకు 1200 టన్నుల కాఫీ గింజలు సేకరించారు. రెండు వేల టన్నుల కాఫీ గింజల సేకరణ లక్ష్యంగా పెట్టుకోగా, ఇప్పటికే 1200 టన్నుల గింజల సేకరణ పూర్తిచేసింది. త్వరలో మరో 300 టన్నుల గింజలు సేకరించనున్నారు. ‘పాడేరు కాఫీ ప్రాజెక్టు’ పదేళ్ళపాటు అమలుకావాలనే ప్రభుత్వ ఉత్తర్వులపై గిరిజన రైతులు పండించిన కాఫీ గింజలను కొనుగోలు చేయడానికి సేకరణ కేంద్రాలు ఏర్పాటుచేయాలని నిర్ణయించారు. ప్రతి గిరిజన గ్రామానికి దగ్గర్లో జిసిసి డిపోలు ఏర్పాటు చేశారు. ఈ కేంద్రంలో ఎలక్ట్రానిక్ తూనిక యంత్రాల ద్వారా తూచిన కాఫీ పార్చ్‌మెంట్, చెర్రీ రకాలను వేరుచేసి జిసిసి గోదాములకు తరలిస్తున్నారు. విశాఖ జిల్లా ఏజెన్సీ మండలాలు పాడేరు, చింతపల్లి, గూడెం కొత్తవీధి, పాడేరు. హుకుంపేట, జి.మాడుగుల, అరకు, ముంచింగ్‌పుట్, డుంబ్రిగుడ, అనంతగిరి, కాశీపట్నం ప్రాంతాల్లోని 20 వేల మంది గిరిజన రైతులను ఈ ప్రాజెక్టులో సభ్యులుగా చేర్చారు. అలాగే మరో 15 వేల మంది తమ పేర్లను నమోదు చేసుకోనున్నారు. వీరంతా పండించిన కాఫీ గింజలను జిసిసి సేకరిస్తుంది. ఇందుకోసం ఎంబిఎ పూర్తిగా చేసిన గిరిజన యువకులను ఆరుగుర్ని క్వాలిటీ సూపర్‌వైజర్లుగా, బిఎస్‌సి అగ్రికల్చర్ చదివిన 20 మంది గిరిజన యువకులను పూలింగ్ అసిస్టెంట్లుగా నియమించింది. వీరి ఆధ్వర్యంలో కాఫీ గింజల సేకరణ, మార్కెటింగ్ వ్యవహారాలు నిర్వహిస్తారు. దేశంలో ఒక్క కర్ణాటకలోనే కాఫీ విరివిగా పండుతోంది. ఆ తరువాత తమిళనాడులోని నీలగిరి కాఫీకి ప్రసిద్ధి. ఇక ఆంధ్రప్రదేశ్, ఒడిశా రాష్ట్రాల్లో సంప్రయేతర కాఫీ పంట అందుబాటులోకి వస్తోంది. దేశంలో ఎగుమతిదారులతో గిరిజన సహకార సంస్థ త్వరలో సమావేశం కానుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.