బిజినెస్
7,700 స్థాయికి నిఫ్టీ
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 12: దేశీయ స్టాక్ మార్కెట్లు మంగళవారం లాభాల్లో ముగిశాయి. గత కొనేళ్లుగా ఆశించిన స్థాయిలో వర్షాలు పడని నేపథ్యంలో ఈ ఏడాది వర్షపాతం సాధారణం కంటే మించి నమోదవుతుందన్న అంచనాల మధ్య మదుపరులు పెట్టుబడులకు ఆసక్తి కనబరుస్తున్నారు. సోమవారం సైతం ఇదే కారణంతో సూచీలు భారీ లాభాలను అందుకున్నది తెలిసిందే.
ఈ క్రమంలో మంగళవారం బాంబే స్టాక్ ఎక్స్‌చేంజ్ సూచీ సెనె్సక్స్ 123.43 పాయింట్లు పెరిగి 25,145.59 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 37.55 పాయింట్లు అందిపుచ్చుకుని 7,700 మార్కు ఎగువన 7,708.95 వద్ద స్థిరపడింది.
మరోవైపు పారిశ్రామికోత్పత్తి (ఐఐపి), వినియోగదారుల ధరల సూచీ (సిపిఐ) ఆధారిత ద్రవ్యోల్బణం గణాంకాలు విడుదలవుతుండటంతో మదుపరులు ఉదయం నుంచి కొనుగోళ్ల దిశగానే నడిచారు. దీంతో ఆటో, ఇండస్ట్రీ, చమురు, గ్యాస్, యుటిలిటీస్, హెల్త్‌కేర్, కన్జ్యూమర్ డ్యూరబుల్స్, క్యాపిటల్ గూడ్స్ రంగాల షేర్ల విలువ 1.61 శాతం నుంచి 0.69 శాతం పెరిగింది. అయితే మెటల్ షేర్ల విలువ మాత్రం 1.38 శాతం పడిపోయింది. అంతర్జాతీయంగా ఆసియా మార్కెట్లలో జపాన్, హాంకాంగ్, సింగపూర్, దక్షిణ కొరియా సూచీలు లాభాల్లో ముగిశాయి. చైనా, తైవాన్ సూచీలు మాత్రం నష్టపోయాయి. ఐరోపా మార్కెట్లలో ఫ్రాన్స్, బ్రిటన్ సూచీలు నష్టపోగా, జర్మనీ సూచీ లాభపడింది.
మెరిసిన జ్యుయెల్లరీ షేర్లు
మంగళవారం ఆభరణాల వ్యాపార సంస్థల షేర్లకు కొనుగోళ్ల మద్దతు లభించింది. బంగారు నగలపై బడ్జెట్‌లో ప్రతిపాదించిన ఒక శాతం ఎక్సైజ్ సుంకాన్ని వెనక్కి తీసుకోవాలంటూ 40 రోజులకుపైగా నిరవధిక బంద్‌ను పాటిస్తున్న నగల వర్తకుల్లో చాలామంది మంగళవారం దుకాణాలను తెరవడమే దీనికి కారణం. బాంబే స్టాక్ ఎక్స్‌చేంజ్‌లో శ్రీ గణేశ్ జ్యుయెల్లరీ హౌజ్ షేర్ విలువ అత్యధికంగా 11.08 శాతం పెరిగితే, త్రిభువన్‌దాస్ భీమ్‌జీ జవేరి షేర్ విలువ 5.49 శాతం, గీతాంజలి జెమ్స్ షేర్ విలువ 5.03 శాతం, పిసి జ్యుయెల్లర్ షేర్ విలువ 3.57 శాతం, తారా జ్యుయెల్స్ షేర్ విలువ 1.52 శాతం ఎగిసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.