బిజినెస్
జనవరి-మార్చి త్రైమాసిక ఆర్థిక ఫలితాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 19: ప్రైవేట్‌రంగ బీమా సంస్థ హెచ్‌డిఎఫ్‌సి లైఫ్ నికర లాభం గత ఆర్థిక సంవత్సరం (2015-16) చివరి త్రైమాసికం, ఈ జనవరి-మార్చిలో 4.2 శాతం పెరిగి 818 కోట్ల రూపాయలుగా నమోదైంది. అంతకుముందు ఆర్థిక సంవత్సరం (2014-15) ఇదే వ్యవధిలో 786 కోట్ల రూపాయల లాభాన్ని పొందింది. ఆదాయం క్రిందటిసారితో పోల్చితే 10 శాతం వృద్ధి చెంది ఈసారి 16,313 కోట్ల రూపాయలుగా ఉంది. షేర్ హోల్డర్లకు 216 కోట్ల రూపాయలను డివిడెండ్‌గా చెల్లించింది.
గృహ్ ఫైనాన్స్
హెచ్‌డిఎఫ్‌సి లిమిటెడ్ అనుబంధ సంస్థ గృహ్ ఫైనాన్స్ స్టాండలోన్ లాభం ఈ జనవరి-మార్చిలో 18.6 శాతం పెరిగి 87.82 కోట్ల రూపాయలుగా నమోదైంది. గత సంవత్సరం జనవరి-మర్చిలో 74.06 కోట్ల రూపాయలుగా ఉంది. ఆదాయం ఈసారి 366.91 కోట్ల రూపాయలుగా, పోయినసారి 304.99 కోట్ల రూపాయలుగా ఉన్నట్లు గృహ్ ఫైనాన్స్ తెలియజేసింది.
క్రిసిల్
రేటింగ్స్ ఏజెన్సీ క్రిసిల్ ఏకీకృత నికర లాభం ఈ మార్చి 31తో ముగిసిన త్రైమాసికంలో 40 శాతం పెరిగి 78.6 కోట్ల రూపాయలుగా నమోదైంది. నిరుడు 56.32 కోట్ల రూపాయలుగా ఉంది. ఆదాయం ఈసారి 368.57 కోట్ల రూపాయలుగా, పోయినసారి 310.72 కోట్ల రూపాయలుగా ఉందని క్రిసిల్ స్పష్టం చేసింది. కాగా, ఈ ఏడాదికిగాను ఒక్కో షేర్‌కు 5 రూపాయల చొప్పున మధ్యంతర డివిడెండ్‌ను క్రిసిల్ ప్రకటించింది.
మాస్‌టెక్
ఐటిరంగ సంస్థ మాస్‌టెక్ నికర లాభం ఈ జనవరి-మార్చి త్రైమాసికంలో 9 శాతం క్షీణించి 5.86 కోట్ల రూపాయలుగా నమోదైంది. నిరుడు 6.44 కోట్ల రూపాయలుగా ఉంది. ఆదాయం ఈసారి 124.25 కోట్ల రూపాయలుగా, క్రిందటిసారి 276.11 కోట్ల రూపాయలుగా ఉంది.
‘మరో అర శాతం వడ్డీరేట్లు తగ్గొచ్చు’
న్యూఢిల్లీ, ఏప్రిల్ 19: రిజర్వ్ బ్యాంక్ ఆఫ్ ఇండియా (ఆర్‌బిఐ) ప్రస్తుత ఆర్థిక సంవత్సరం (2016-17)లో కీలక వడ్డీరేట్లను మరో 50 బేసిస్ పాయింట్ల చొప్పున తగ్గించవచ్చని మంగళవారం ఓ నివేదికలో గ్లోబల్ ఫైనాన్షియల్ దిగ్గజం మోర్గాన్ స్టాన్లీ అంచనా వేసింది. ఇప్పటికే ఈ నెలారంభంలో జరిపిన ఈ ఆర్థిక సంవత్సరం తొలి ద్వైమాసిక ద్రవ్యపరపతి విధాన సమీక్షలో ఆర్‌బిఐ రెపో రేటును 25 బేసిస్ పాయింట్లు తగ్గించినది తెలిసిందే. ఈ నేపథ్యంలో ఈసారి వర్షాలు సాధారణం కంటే ఎక్కువగా కురుస్తాయన్న అంచనాలు, ద్రవ్యోల్బణం తగ్గుముఖం పడుతున్న సంకేతాల మధ్య మరో అర శాతం రెపో తగ్గవచ్చని మోర్గాన్ స్టాన్లీ అభిప్రాయపడింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.