బిజినెస్
ఆర్థిక ఫలితాలు కీలకం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 24: త్రైమాసిక ఆర్థిక ఫలితాలు ఈ వారం మార్కెట్ సరళిని ప్రభావితం చేస్తాయని నిపుణులు అంచనా వేస్తున్నారు. దేశీయ ప్రైవేట్‌రంగ బ్యాంకింగ్ దిగ్గజం ఐసిఐసిఐ బ్యాంక్, ప్రైవేట్‌రంగ టెలికామ్ దిగ్గజం భారతీ ఎయిర్‌టెల్, ఆటోరంగ దిగ్గజం మారుతి సుజుకితోపాటు యాక్సిస్ బ్యాంక్, ఐడియా సెల్యులార్ తదితర అగ్రశ్రేణి సంస్థలు ఈ వారం తమ జనవరి-మార్చి త్రైమాసిక ఆర్థిక ఫలితాలను ప్రకటించనున్నాయి. ఈ క్రమంలో సూచీలు కొంత ఒడిదుడుకులకు లోను కావచ్చని కూడా నిపుణులు అభిప్రాయపడుతున్నారు. ‘గత ఆర్థిక సంవత్సరం (2015-16) చివరి త్రైమాసికం, ఈ ఏడాది జనవరి-మార్చి వ్యవధికిగాను కార్పొరేట్ సంస్థలు ప్రకటించే ఆర్థిక ఫలితాలు కీలకం. అమెరికా రిజర్వ్ బ్యాంకైన ఫెడ్ రిజర్వ్ సమావేశం కూడా ముఖ్యమే.’ అని ట్రేడ్ స్మార్ట్ ఆన్‌లైన్ వ్యవస్థాపక డైరెక్టర్ విజయ్ సింఘానియా అన్నారు. ఇక గత వారం విడుదలైన రిలయన్స్ ఇండస్ట్రీస్ లిమిటెడ్ నికర లాభం ప్రభావం సోమవారం ట్రేడింగ్‌పై ఉంటుందని కూడా ఆయన చెప్పారు. ముకేశ్ అంబానీ నేతృత్వంలోని రిలయన్స్ ఈ జనవరి-మార్చిలో రికార్డు స్థాయి లాభాలను అందుకున్నది తెలిసిందే. ఇక ఎప్పటిలాగే డాలర్‌తో పోల్చితే రూపాయి మారకం విలువ కదలికలు, అంతర్జాతీయ మార్కెట్ తీరుతెన్నులు, గ్లోబల్ మార్కెట్‌లో ముడి చమురు ధరలు, విదేశీ మదుపరుల పెట్టుబడులు ట్రేడింగ్‌పై ప్రభావం చూపుతాయని నిపుణులు పేర్కొంటున్నారు. గత వారం బాంబే స్టాక్ ఎక్స్‌చేంజ్ సూచీ సెనె్సక్స్ 211.39 పాయింట్లు పెరిగి 25,838.14 వద్ద స్థిరపడగా, నేషనల్ స్టాక్ ఎక్స్‌చేంజ్ సూచీ నిఫ్టీ 48.85 పాయింట్లు అందిపుచ్చుకుని 7,899.30 వద్ద నిలిచింది. ఇక అంతకుముందు వారంతో కూడా చూస్తే ఈ రెండు వారాల్లో సెనె్సక్స్ 1,164.30 పాయింట్లు పుంజుకుంటే, నిఫ్టీ 344.10 పాయింట్లు ఎగిసింది. బిఎస్‌ఇ మిడ్-క్యాప్ సూచీ 0.94 శాతం, స్మాల్-క్యాప్ సూచీ 1.24 శాతం పెరిగాయి. ఆయా రంగాల వారీగా గడచిన వారం మెటల్ 4.76 శాతం, రియల్టీ 4.08 శాతం, కన్జ్యూమర్ డ్యూరబుల్స్ 2.07 శాతం, క్యాపిటల్ గూడ్స్ 1.01 శాతం, విద్యుత్ 0.81 శాతం, చమురు, గ్యాస్ 0.6 6 శాతం చొప్పున లాభపడ్డాయి. అయితే ఎఫ్‌ఎమ్‌సిజి 0.68 శాతం, ఆటో 0.26 శాతం చొప్పున నష్టపోయాయి. టర్నోవర్ విషయానికొస్తే బిఎస్‌ఇ 10,743. 69 కోట్ల రూపాయలుగా, ఎన్‌ఎస్‌ఇ 75,491.52 కోట్ల రూపాయలుగా ఉంది. అంతకుముందు వారం బిఎస్‌ఇ టర్నోవర్ 8,967.91 కోట్ల రూపాయలుగా, ఎన్‌ఎస్‌ఇ టర్నోవర్ 50,35 3.08 కోట్ల రూపాయలుగా ఉన్నాయి. ఈసారి వర్షాలు సాధారణం కంటే అధికంగా కురుస్తాయన్న అంచనాల మధ్య ఆర్‌బిఐ రాబోయే ద్రవ్యసమీక్షల్లో వడ్డీరేట్లను తగ్గిస్తుందన్న అభిప్రాయాలు మార్కెట్ సెంటిమెంట్‌ను పెంచాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.