బిజినెస్
యాక్సిస్ లాభం రూ. 2,154 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 26: థేశీయ ప్రైవేట్‌రంగ బ్యాంకుల్లో మూడు అతిపెద్ద బ్యాంకైన యాక్సిస్ బ్యాంక్ నికర లాభం.. గత ఆర్థిక సంవత్సరం (2015-16) చివరి త్రైమాసికం, ఈ ఏడాది జనవరి-మార్చిలో స్వల్పంగా తగ్గింది. గతంతో పోల్చితే 1 శాతం దిగజారి 2,154.28 కోట్ల రూపాయలుగా నమోదైంది. అంతకుముందు ఆర్థిక సంవత్సరం (2014-15) జనవరి-మార్చి త్రైమాసికంలో బ్యాంక్ లాభం 2,180.59 కోట్ల రూపాయలుగా ఉంది. అయితే ఆదాయం మాత్రం పెరిగింది. ఈసారి 13,592.97 కోట్ల రూపాయలుగా ఉంటే, పోయినసారి 12,384.39 కోట్ల రూపాయలుగా ఉంది. ఈ మేరకు మంగళవారం బాంబే స్టాక్ ఎక్స్‌చేంజ్‌కు యాక్సిస్ బ్యాంక్ స్పష్టం చేసింది. ఇక మొండి బకాయిలు కూడా క్రిందటిసారితో చూస్తే పెరిగాయి. 709.82 కోట్ల రూపాయల నుంచి 1,168.33 కోట్ల రూపాయలకు చేరాయి. నికర వడ్డీ ఆదాయం విషయానికొస్తే 20 శాతం ఎగిసి 4,553 కోట్ల రూపాయలుగా ఉంది. అంతకుముందు ఇది 3,799 కోట్ల రూపాయలుగా ఉందని బ్యాంక్ సిఎఫ్‌ఒ జయరామ్ శ్రీధరన్ విలేఖరులకు చెప్పారు. ఈ ఏప్రిల్-జూన్ త్రైమాసికంలో బ్యాంక్ లాభం మరికాస్త తగ్గవచ్చని హెచ్చరించారు. మరోవైపు మొత్తం గత ఆర్థిక సంవత్సరం యాక్సిస్ బ్యాంక్ నికర లాభం 12 శాతం పెరిగి 8,224 కోట్ల రూపాయలుగా నమోదైంది. అంతకుముందు ఆర్థిక సంవత్సరం ఇది 7,358 కోట్ల రూపాయలుగా ఉంది. ఆదాయం 2015-16లో 50,359.50 కోట్ల రూపాయలుగా, 2014-15లో 43,843.64 కోట్ల రూపాయలుగా ఉంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.