బిజినెస్
జనవరి-ఏప్రిల్ వ్యవధిలో 43 శాతం క్షీణించిన స్టాక్ మార్కెట్ల టర్నోవర్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మే 15: ఈ ఏడాది ఆరంభం నుంచి ఏప్రిల్ వరకు దేశీయ ప్రధాన స్టాక్ మార్కెట్ల టర్నోవర్ 43 శాతం క్షీణించింది. తొలి నాలుగు నెలల్లో 15.95 లక్షల కోట్ల రూపాయలకే పరిమితమైంది. నిరుడు ఇదే నాలుగు నెలల్లో 28.02 లక్షల కోట్ల రూపాయల టర్నోవర్ నమోదవడం గమనార్హం. దేశంలోని ప్రధాన స్టాక్ మార్కెట్లైన బాంబే స్టాక్ ఎక్స్‌చేంజ్, నేషనల్ స్టాక్ ఎక్స్‌చేంజ్, ఎమ్‌సిఎక్స్-ఎస్‌ఎక్స్‌ల టర్నోవర్ వివరాలను పరిశీలిస్తే.. ఈ ఏడాది జనవరి-ఏప్రిల్‌లో ఎన్‌ఎస్‌ఇ టర్నోవర్ 13.64 లక్షల కోట్ల రూపాయలుగా, బిఎస్‌ఇ టర్నోవర్ 2.3 లక్షల కోట్ల రూపాయలుగా ఉంది. ఎమ్‌సిఎక్స్-ఎస్‌ఎక్స్ (ఎమ్‌ఎస్‌ఇఐ) టర్నోవర్ 57 కోట్ల రూపాయలుగా ఉంది. నగదు లావాదేవీల్లో దేశంలోని అన్ని స్టాక్ మార్కెట్లలో 99.9 శాతం వాటా ఎన్‌ఎస్‌ఇ, బిఎస్‌ఇలదే. నగదు విపణిలో ఎన్‌ఎస్‌ఇ వాటా 85.4 శాతంగా ఉంటే, బిఎస్‌ఇ వాటా 14.5 శాతంగా ఉంది. కాగా, నిరుడు జనవరి-ఏప్రిల్‌లో ఎమ్‌ఎస్‌ఇఐ క్యాష్ టర్నోవర్ కేవలం 95 లక్షల రూపాయలుగానే ఉంది. అయితే ఈ ఏడాది జనవరి-ఏప్రిల్‌లో 57 కోట్ల రూపాయలకు ఎగిసింది. ఇకపోతే గత నెల ఏప్రిల్‌లో ఎన్‌ఎస్‌ఇ ఈక్విటీ మార్కెట్ టర్నోవర్ 18 శాతానికిపైగా దిగజారి 3.57 లక్షల కోట్ల రూపాయలకు చేరగా, బిఎస్‌ఇ ఈక్విటీ మార్కెట్ టర్నోవర్ 27 శాతం పతనమై 49,174 కోట్ల రూపాయలుగా ఉంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.