బిజినెస్
ప్రభుత్వరంగ బ్యాంకులకు మూలధనం సిద్ధం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 15: ఈ ఆర్థిక సంవత్సరం (2016-17)లో ప్రభుత్వరంగ బ్యాంకులకు తొలి విడత ఆర్థిక సాయంలో భాగంగా కేంద్ర ఆర్థిక మంత్రిత్వ శాఖ త్వరలో నిధులను విడుదల చేసే అవకాశాలున్నాయి. దీనికి సంబంధించి కేంద్ర ఆర్థిక శాఖ మంత్రి అరుణ్ జైట్లీ ఆమోదం ఇవ్వనున్నారని తెలుస్తోంది. కాగా, తొలి విడతలో 20,000 కోట్ల రూపాయల వరకు బ్యాంకులకు ప్రభుత్వ సాయం అందనుంది. నిజానికి గత ఆర్థిక సంవత్సరం (2015-16) చివరి త్రైమాసికం, ఈ ఏడాది జనవరి-మార్చిలో ప్రభుత్వరంగ బ్యాంకులు మొండి బకాయిల కారణంగా మునుపెన్నడూ లేనివిధంగా రికార్డు స్థాయిలో నష్టాలను మూటగట్టుకున్నది తెలిసిందే. అయితే అంతర్జాతీయ ప్రమాణాలైన బాసెల్-3 నిబంధనల ప్రకారం ప్రభుత్వరంగ బ్యాంకులకు 1.80 లక్షల కోట్ల రూపాయల మూలధనం అవసరం. కానీ ప్రభుత్వం మాత్రం 70,000 కోట్ల రూపాయలనే అందిస్తామని, మిగతా 1.10 లక్షల కోట్ల రూపాయలను మార్కెట్ల నుంచి సమీకరించుకోవాలని సూచించింది. ఇందుకు బాండ్లు, డిబెంచర్లు జారీ చేసుకోవచ్చంది. అయితే మొండి బకాయిల (నిరర్థక ఆస్తులు) నేపథ్యంలో ప్రభుత్వం నుంచి మెరుగైన సాయాన్ని బ్యాంకులు ఆశిస్తున్నాయి. ఈ క్రమంలో బ్యాంకర్ల సూచనలతో తొలి విడతలోనే 20,000 కోట్ల రూపాయలను అందించాలని ఆర్థిక సేవల శాఖ నిర్ణయించింది. దీనిపై జైట్లీ నిర్ణయం తీసుకోవాల్సి ఉండగా, ప్రభుత్వరంగ బ్యాంకుల ఉనికినే ప్రశ్నార్థకం చేస్తున్న మొండి బకాయిల తీవ్రతను గమనించిన జైట్లీ.. అవసరమైతే బ్యాంకులకు మరింత సాయం చేసేందుకు ప్రభుత్వం సిద్ధమని గతంలోనే భరోసా ఇచ్చారు. దీంతో తొలి విడత సాయానికి జైట్లీ నుంచి గ్రీన్‌సిగ్నల్ వస్తుందనే అంతా భావిస్తున్నారు. ఇకపోతే బ్యాంకులకు అందిస్తామన్న 70,000 కోట్ల రూపాయల ఆర్థిక సాయంలో గత ఆర్థిక సంవత్సరం 25,000 కోట్ల రూపాయలను ఇవ్వగా, ప్రస్తుత ఆర్థిక సంవత్సరం మరో 25,000 కోట్ల రూపాయలను ఇవ్వనుంది. వచ్చే ఆర్థిక సంవత్సరం (2017-18) 10,000 కోట్ల రూపాయలు, ఆపై ఆర్థిక సంవత్సరం (2018-19) మరో 10,000 కోట్ల రూపాయలను ఇస్తామని ప్రకటించింది. కాగా, నిరుడు ప్రభుత్వం నుంచి 21 ప్రభుత్వరంగ బ్యాంకులకు ఆర్థిక సాయం అందగా, అందులో అత్యధిక నిధులు ఎస్‌బిఐ (రూ. 5,393 కోట్లు), బ్యాంక్ ఆఫ్ ఇండియా (రూ. 2,455 కోట్లు), ఐడిబిఐ బ్యాంక్ (రూ. 2,229 కోట్లు), ఇండియన్ ఓవర్‌సీస్ బ్యాంక్ (రూ. 2,009 కోట్లు), పంజాబ్ నేషనల్ బ్యాంక్ (రూ. 1,732 కోట్లు)లకు అందాయి.
ఈ జనవరి-మార్చిలో ప్రభుత్వ బ్యాంకుల నష్టాలు
పంజాబ్ నేషనల్ బ్యాంక్ 5,367 కోట్లు
కెనరా బ్యాంక్ 3,905 కోట్లు
బ్యాంక్ ఆఫ్ ఇండియా 3,587 కోట్లు
బ్యాంక్ ఆఫ్ బరోడా 3,230 కోట్లు
సిండికేట్ బ్యాంక్ 2,158 కోట్లు
ఐడిబిఐ బ్యాంక్ 1,736 కోట్లు
యూకో బ్యాంక్ 1,715 కోట్లు
సెంట్రల్ బ్యాంక్ 898 కోట్లు
అలహాబాద్ బ్యాంక్ 581 కోట్లు
కార్పొరేషన్ బ్యాంక్ 511 కోట్లు
దేనా బ్యాంక్ 326 కోట్లు
బ్యాంక్ ఆఫ్ మహారాష్ట్ర 120 కోట్లు
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.