బిజినెస్
మొండి బకాయిల సమస్య పరిష్కారం దిశగా ఎస్‌బిఐ
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 20: ప్రమాదకర స్థాయికి చేరిన మొండి బకాయిలను వదిలించుకోవడంలో భాగంగా ప్రభుత్వరంగ బ్యాంకింగ్ దిగ్గజం ఎస్‌బిఐ.. బుధవారం అమెరికాకు చెందిన సంస్థ బ్రూక్‌ఫీల్డ్‌తో కలిసి 7,350 కోట్ల రూపాయల ఒత్తిడి ఆస్తుల నిధిని ఏర్పాటు చేసింది. ఈ ఏడాది మార్చి నాటికి ఎస్‌బిఐ నికర నిరర్థక ఆస్తులు 55,807 కోట్ల రూపాయలుగా ఉన్నాయి. కాగా, ఇప్పటికే కొటక్ మహీంద్ర బ్యాంక్.. కెనడియన్ పెన్షన్ ప్లాన్ ఇనె్వస్ట్‌మెంట్ బోర్డుతో కలిసి ఇదే తరహా నిధి ఏర్పాటు చేసింది. దీని విలువ 525 మిలియన్ డాలర్లు.
‘అప్రెంటీస్‌ల కోసం రూ. 18 వేల కోట్లు’
న్యూఢిల్లీ, జూలై 20: అర్హత కలిగిన యువతను అప్రెంటీస్‌షిప్‌లో భాగంగా నియమించుకుంటున్న ప్రభుత్వ, ప్రైవేట్‌రంగ సంస్థలకు 18,000 కోట్ల రూపాయలను కేంద్ర ప్రభుత్వం ఇస్తోంది. ఈ మేరకు బుధవారం లోక్‌సభలో కోశ్చన్ అవర్ సందర్భంగా కేంద్ర నైపుణ్యాభివృద్ధి, ఎంటర్‌ప్రెన్యూర్‌షిప్ మంత్రి రాజీవ్ ప్రతాప్ రుడి తెలియజేశారు. మూడేళ్లలో 50 లక్షల మంది అప్రెంటీస్ యువత తమ లక్ష్యమన్న ఆయన ప్రస్తుతం 2.5 లక్షల మంది మాత్రమే ఉన్నట్లు తెలిపారు. చైనాలో మూడు కోట్ల మంది, జపాన్‌లో రెండు కోట్ల మంది అప్రెంటీస్‌లుగా ఉన్నారన్నారు.
బేస్ రేటును తగ్గించిన యాక్సిస్ బ్యాంక్
న్యూఢిల్లీ, జూలై 20: దేశీయంగా ప్రైవేట్‌రంగ బ్యాంకుల్లో మూడో అతిపెద్ద బ్యాంకైన యాక్సిస్ బ్యాంక్ తమ కనీస రుణ రేటును స్వల్పంగా తగ్గించింది. బేస్ రేటును ఇప్పుడున్న 9.45 శాతం నుంచి 10 బేసిస్ పాయింట్లు దించి 9.35 శాతానికి చేర్చింది. కొత్త వడ్డీరేట్లు ఈ నెల 27 నుంచి అమల్లోకి వస్తాయని ఓ ప్రకటనలో యాక్సిస్ బ్యాంక్ స్పష్టం చేసింది. కాగా, మార్జినల్ కాస్ట్ ఆఫ్ ఫండ్ బేస్డ్ లెండింగ్ రేటు (ఎమ్‌సిఎల్‌ఆర్)ను కూడా యాక్సిస్ బ్యాంక్ తగ్గిస్తున్నట్లు ప్రకటించింది. వివిధ మెచ్యూరిటీల కోసం 0.05-0.1 శాతం వరకు కోత వేసింది. ఈ నెల 18 నుంచే ఈ తగ్గింపు వర్తిస్తుందని పేర్కొంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.