బిజినెస్
జిఎస్‌టిపై ఆశాభావంతో..
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 22: దేశీయ స్టాక్ మార్కెట్లు శుక్రవారం లాభాల్లో ముగిశాయి. బాంబే స్టాక్ ఎక్స్‌చేంజ్ సూచీ సెనె్సక్స్ 92.72 పాయింట్లు పుంజుకుని 27,803.24 వద్ద స్థిరపడితే, నేషనల్ స్టాక్ ఎక్స్‌చేంజ్ సూచీ నిఫ్టీ 31.10 పాయింట్లు పెరిగి 8,541.20 వద్ద నిలిచింది.
ఎఫ్‌ఎమ్‌సిజి దిగ్గజం ఐటిసి గురువారం ఈ ఆర్థిక సంవత్సరం (2016-17) తొలి త్రైమాసికానికి (ఏప్రిల్-జూన్)గాను ప్రకటించిన ఆర్థిక ఫలితాలు బాగుండటంతో శుక్రవారం ఉదయం సూచీలు లాభాల్లో మొదలయ్యాయి.
అయితే బ్యాంక్ ఆఫ్ జపాన్ చీఫ్ హరుహికో కురోడా.. ‘హెలికాప్టర్ మనీ’పై చేసిన వ్యాఖ్యలు మార్కెట్ సెంటిమెంట్‌ను దెబ్బతీశాయి. ఫలితంగా మధ్యాహ్నం వరకు సూచీలు లాభనష్టాల మధ్య కొట్టుమిట్టాడాయి. అయితే వచ్చేవారం కీలకమైన వస్తు, సేవల పన్ను (జిఎస్‌టి) రాజ్యసభలో చర్చకు వస్తుందన్న సంకేతాలు మదుపరులను కొనుగోళ్ల వైపు నడిపించాయి. పవర్, యుటిలిటీస్, మెటల్, ఇండస్ట్రియల్స్, క్యాపిటల్ గూడ్స్, టెలికామ్, రియల్టీ, ఆటో రంగాల షేర్లకు కొనుగోళ్ల మద్దతు లభించింది. అయితే ఐటి రంగ షేర్లు మాత్రం అమ్మకాల ఒత్తిడికి లోనయ్యాయి. ఆసియా మార్కెట్లలో జపాన్, హాంకాంగ్, చైనా సూచీలు నష్టపోగా, ఐరోపా మార్కెట్లలో బ్రిటన్, ఫ్రాన్స్, జర్మనీ సూచీలు లాభపడ్డాయి.
కెయిర్న్, బయోకాన్
మార్కెట్ విలువ పైపైకి
ప్రస్తుత ఆర్థిక సంవత్సరం (2016-17) ప్రథమ త్రైమాసికానికి (ఏప్రిల్-జూన్)గాను కెయిర్న్, బయోకాన్ సంస్థలు ప్రకటించిన ఆర్థిక ఫలితాలు మదుపరులను మెప్పించాయి. దీంతో కెయిర్న్ ఇండియా మార్కెట్ విలువ శుక్రవారం 2,887.36 కోట్ల రూపాయలు పెరిగింది.
బయోకాన్ మార్కెట్ విలువ సైతం 2,144 కోట్ల రూపాయలు ఎగిసింది. ఫలితంగా ఇప్పుడు కెయిర్న్ ఇండియా మార్కెట్ విలువ 35,997.36 కోట్ల రూపాయలను తాకితే, బయోకాన్ మార్కెట్ విలువ 16,174 కోట్ల రూపాయలకు చేరింది.
ఎన్‌ఎస్‌ఇలో బాండ్ల వేలం
న్యూఢిల్లీ: నేషనల్ స్టాక్ ఎక్స్‌చేంజ్ (ఎన్‌ఎస్‌ఇ).. సోమవారం విదేశీ మదుపరుల కోసం 7,264 కోట్ల రూపాయల విలువైన ప్రభుత్వ బాండ్లను వేలం వేయనుంది.
సాధారణ ట్రేడింగ్ అనంతరం మధ్యాహ్నం 3:30 గంటల నుంచి సాయంత్రం 5:30 గంటల వరకు రెండు గంటలపాటు విదేశీ మదుపరులకు ప్రభుత్వ రుణ సెక్యూరిటీలను వేలం వేస్తుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.