బిజినెస్
కింగ్‌ఫిషర్ బకాయిల కేసు వేలానికి రూ. 700 కోట్ల ఆస్తులు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 31: లిక్కర్ కింగ్ విజయ్ మాల్యా నేతృత్వంలోని రుణపీడిత కింగ్‌ఫిషర్ ఎయిర్‌లైన్స్ బకాయిలను రాబట్టుకోవడంలో భాగంగా ఆ సంస్థకు చెందిన 700 కోట్ల రూపాయలకుపైగా ఆస్తులను వేలానికి వేస్తున్నారు. కింగ్‌ఫిషర్ ఎయిర్‌లైన్స్.. ఎస్‌బిఐతోసహా 17 బ్యాంకులకు 9,000 కోట్ల రూపాయలకుపైగా బకాయిపడినది తెలిసిందే. అయితే వాటిని చెల్లించడంలో కింగ్‌ఫిషర్ ఎయిర్‌లైన్స్, దాని యజమాని మాల్యా విఫలమవడంతో తాకట్టు పెట్టిన ఆస్తులను ఇప్పటికే పలుమార్లు వేలం వేయగా, దానికి స్పందన కరువైనదీ విదితమే. అయినప్పటికీ మళ్లీ కింగ్‌ఫిషర్ హౌజ్‌తోపాటు సకల సౌకర్యాలు కలిగిన మాల్యా వ్యక్తిగత విమానాన్ని వేలం వేస్తున్నారు. ఆగస్టు 4న కింగ్‌ఫిషర్ హౌజ్, అందులోని ఫర్నీచర్, 8 కార్లనూ వేలానికి పెడుతున్నారు. హౌజ్ రిజర్వ్ ధరను 135 కోట్ల రూపాయలుగా, అలాగే ఒక్కో కారు ధరను 90,000-2.50 లక్షల రూపాయలుగా నిర్ణయించారు. ఎస్‌బిఐ క్యాప్ ట్రస్టీ ఆధ్వర్యంలో వేలం జరుగుతుంది. ఇక ఆగస్టు 18న మాల్యా ప్రైవేట్ జెట్‌ను వేలం వేస్తున్నారు. దీని రిజర్వ్ ధరను నిర్ణయించాల్సి ఉంది. పోయినసారి వేలంలో 152 కోట్ల రూపాయలుగా నిర్ణయిస్తే 1.09 కోట్ల రూపాయలకు ఇవ్వాలని బిడ్ దాఖలైనది తెలిసిందే. అలాగే 25న కింగ్‌ఫిషర్ లోగోను, ‘ఫ్లై ది గుడ్ టైమ్స్’ ఉప శీర్షికనూ వేలం వేయనున్నాయి బ్యాంకులు. ఫ్లయింగ్ మోడల్స్, ఫన్‌లైనర్, ఫ్లై కింగ్‌ఫిషర్, ఫ్లయింగ్ బర్డ్ డివైస్ తదితర ట్రేడ్ మార్కులను అమ్మేస్తుండగా, వీటి రిజర్వ్ ధర 330.03 కోట్ల రూపాయల నుంచి 366.70 కోట్ల రూపాయల వరకు నిర్ణయించారు. గోవాలోని కింగ్‌ఫిషర్ విల్లానూ వేలం వేయనుండగా, ముహూర్తం మాత్రం ఇంకా ఖరారు కాలేదు. రుణాలు చెల్లించక ఉద్దేశపూర్వక ఎగవేతదారుగా బ్యాంకులచే ప్రకటించబడిన మాల్యా.. విదేశాలకు పారిపోయినది తెలిసిందే. మాల్యాపై బ్యాంకులు కోర్టులను కూడా ఆశ్రయించగా, మనీలాండరింగ్ కేసులోనూ దర్యాప్తులు జరుగుతున్నాయి. కాగా, మాల్యాతో డీల్ నేపథ్యంలో డియాజియోపై మార్కెట్ రెగ్యులేటర్ సెబీ కనే్నసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.