బిజినెస్
రూ. 140 కోట్ల జరిమానా!
S ,7 à 8 RSCA (si SASPAS) et 6 cialis pharmacie cialis rapports de stage.
మనీలా, ఆగస్టు 5: రిజల్ కమర్షియల్ బ్యాంకింగ్ కార్పొరేషన్ (ఆర్‌సిబిసి)పై ఫిలిప్పీన్స్ సెంట్రల్ బ్యాంక్ భారీ జరిమానా విధించింది. మునుపె న్నడూ లేనివిధంగా ఏకంగా 21 మిలియన్ డాలర్ల (ప్రస్తుతం డాలర్‌తో పోల్చితే భారత కరెన్సీ ప్రకారం దాదాపు 140 కోట్ల రూపాయలు) జరిమానా వేసింది. ఈ ఏడాది ఫిబ్రవరిలో బంగ్లాదేశ్ బ్యాంక్ నుంచి హ్యాకర్లు కొట్టేసిన సొమ్ము ఆర్‌సిబిసి ద్వారా బదిలీ కావడమే దీనికి కారణం. ఫిబ్రవరి 4, 5 తేదీల్లో ఫెడరల్ రిజర్వ్ బ్యాంక్ ఆఫ్ న్యూయార్క్‌లో ఉన్న బంగ్లాదేశ్ సెంట్రల్ బ్యాంక్ ఖాతా నుంచి కొందరు గుర్తుతెలియని హ్యాకర్లు దాదాపు 1 బిలియన్ డాలర్ల సొమ్మును కాజేశారు. ఇందులో 81 మిలియన్ డాలర్లు మనీలాలోని ఆర్‌సిబిసిలోగల నాలుగు ఖాతాల్లోకి జమ అయ్యాయి. దీన్ని గుర్తించిన ఫిలిప్పీన్స్ సెంట్రల్ బ్యాంక్.. ఆర్‌సిబిసిపై భారీ జరిమానా వేసింది. ఈ మేరకు శుక్రవారం సెంట్రల్ బ్యాంక్ తెలిపింది. మరోవైపు ఈ జరిమానాను చెల్లించేందుకు అంగీకరించిన ఆర్‌సిబిసి.. అందుకు ఏడాది వ్యవధిని కోరింది. రెండు విడతల్లో జరిమానాను చెల్లిస్తామని స్పష్టం చేసింది. ‘ఈ జరిమానా చెల్లింపుతో మనీల్యాండరింగ్, తీవ్రవాదం, సైబర్ నేరాల కట్డడికి తమ బ్యాంక్ కట్టుబడి ఉందన్నది రుజువైంది. బ్యాంకింగ్ వ్యవస్థ సుస్థిరతను కాపాడటంలో మేము ముందుంటాం.’ అని తాజా జరిమానాపై ఆర్‌సిబిసి అధ్యక్షుడు, సిఇఒ గిల్ బ్యునవెంతురా స్పందించారు. అయినప్పటికీ అంతకుముందే శుక్రవారం రోజే ఈ వ్యవహారాన్ని సవాల్ చేస్తూ బంగ్లాదేశ్ బ్యాంక్‌ను ఆర్‌సిబిసి కోర్టుకు లాగ గా, తమ వైపు నుంచి ఎలాంటి తప్పు జరగలేదని, పేమెంట్స్ నెట్‌వర్క్ స్విఫ్ట్‌పై ప్రామాణిక నియమ, నిబంధనలను అనుసరించే ఆ నగదు బదిలీ జరిగిందని ఆర్‌సిబిసి తెలిపింది. దీనిపై బంగ్లాదేశ్ అధికారులు మాట్లాడుతూ ఆర్‌సిబిసిలో నెలకొన్న వ్యవస్థీకృత లోపాల కారణంగానే ఇది జరిగిందని, కొందరు అధికారుల తప్పి దం వల్ల కాదని అన్నారు. ఇక ప్రస్తు తం మనీలాలో బంగ్లాదేశ్ సెంట్రల్ బ్యాంక్‌కు చెందిన బృందం ఒకటి ఉండగా, నష్టపోయిన సొమ్మును స్వాధీనం చేసుకునే పనిలో ఇది నిమగ్నమైంది. అయితే ఇప్పటిదాకా కేవ లం 15 మిలియన్ డాలర్లను మాత్రమే బృందం రాబట్టుకోగలిగింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.